Linkaln Šeść-Echa (Juen Makhrehar) žyvie ŭ pryjazna-tatalitarnym hramadztvie, dzie ŭsie nosiać adnolkavaje adzieńnie i marać trapić na vyspu — adzinuju čystuju terytoryju na Ziamli.
Hieroj, adnak, vyśviatlaje, što vyspa — padman, i ŭsie jany tolki cieły-kłony dla zaboru orhanaŭ. A tut padaśpieła čarha jaho dziaŭčyny (Skarlet Jochansan). Hieroi ŭciakajuć, kab sustrecca sa svaimi zakazčykami.
U karcinie Majkła Beja ŭsiaho patrochu. Sałodka-tatalitarnaje hramadztva — ad «Uciokaŭ Łohana» i «Matrycy», pavučki-«vokaluby» — z «Asablivaha mierkavańnia» Śpiłberha; a bojka sa złym doktaram-boham — namioki na «Biehuna pa lazu brytvy».
Ale režyser «Armahiedonu» i «Perł-Charbaru» asablivy akcent robić na ekšanie — bieśpierapynny lot hielikopteraŭ, pierakulenyja mašyny dy štanhi na darohach u jakaści «vybuchovaha» srodku. Paśla nudna-sterylnaha pačatku kadry ź pieraśledami, padzieńniami i pierastrełkami iduć adzin za adnym, i mienavita jany hałoŭnyja ŭ filmie.
Sacyjalna—palityčny składnik karciny prycišany, sustreča hieroja z «aryhinałam» — dyzajneram z cyrozam piečani — pradkazalnaja i ščaślivaja; luboŭnaja linija pamiž Makhreharam i Jochansan strymanaja (niekatoryja navat aburalisia, što Jochansan tak i nie raspranułasia). Hierainia, praŭda, tak i nie sustrełasia sa svajoj «zakazčycaj», ale prademanstravała, što vałodaje pistaletam.
Biudžet karciny ŭ $122 młn i zdolnaści Majkła Beja zrabili jaje niasumnaj.
▶
Vyspa(The Island)
ZŠA, 2005, kalarovy, 136 chv.
Žanr: fantastyčny tryler, bajavik.
Adznaka: 5,5 (z 10).
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami2
Kamientary