Polski prezydent Lech Kačyński zajaviŭ, što «daterminovyja vybary ŭ Polčšy niepaźbiežnyja». Ci źmienicca raskład siłaŭ na palityčnaj scenie paśla vybaraŭ i jak u suviazi z hetym moža źmianicca palityka Varšavy ŭ dačynieńniach ź Mienskam?
Polski prezydent Lech Kačyński zajaviŭ, što «daterminovyja vybary ŭ Polčšy niepaźbiežnyja». Čamu vybary ŭ Polščy adbuducca za dva hady da skančeńnia paŭnamoctvaŭ ciapierašniaha parlamentu, ci źmienicca raskład siłaŭ na palityčnaj scenie paśla vybaraŭ i jak u suviazi z hetym moža źmianicca palityka Varšavy ŭ dačynieńniach ź Mienskam?
Što stałasia pryčynaj datermnovych vybaraŭ? Heta, pieradusim, raskoł va ŭradavaj kaalicyi. Niekalki dzion tamu z kaalicyi vyjšła adna z troch kaalicyjnych partyjaŭ — partyja «Samaabarona» i takim čynam kirujučaja partyja «Prava i spraviadlivaść» nia maje ŭžo bolšaści ŭ parlamencie, nieabchodnaj dla narmalnaj pracy svajho ŭradu.
Byłyja kaalicyjanty ciapier abvinavačyviuć adno adnaho ŭ nieetyčnym zachavańni, pieraśledzie i hetak dalej, a šansaŭ na novuju kaalicyju, jak kažuć palityki, niama. U takoj sytacyi lider bujniejšaj apazycyjnaj partyi «Hramadiaznskaja płatforma» Donald Tusk sustreŭsia s prezydentam, kab pierakanać jaho ŭ słušnaści daterminovych vybaraŭ.
Paśla sustrečy ministar u kancylaryi prezydenta Michał Kamiński skazaŭ:
«I prezydent Lech Kačyński i spadar Donald Tusk pahadzilisia, što ŭ ciapierašniaj palityčnaj sytuacyi daterminovyja asieńnija vybary heta niepaźbiežnaść».
Datu vybarašŭ vyznačyć Sejm, ale Donald Tusk zaviŭ siońnia, što heta budzie chutčej za ŭsio ŭ kastryčniku.
Jak, pavodle prahnozaŭ, źmienicca sytuacyja na palityčnaj scenie Polčšy paśla vybaraŭ i jak heta moža paŭpłyvać na polskuju zamiežnuju palityku, u pieršuju čarhu što tyčycca dačynieńjaŭ ź Mienskam? Apytańni pakazvajuć, što daterminovyja vybary vyjhraje liberalnaja «Hramadzianskaja platforma» i najbolš vierahodna ŭstupić u kaalicyju z vybarčym blokam «Levyja i demakraty» (u jaho ŭvachodziać Demakratyčnaja partyja, Sajuz levych demakrataŭ, Unija pracy, Sacyjał‑demakratyčniaa partyja Polščy).
Palityka Varšavy, što tyčycca Biełarusi — a ciapier jana absalutna adnaznačnaja, polski ŭrad nie kantaktuje z aficyjnymi pradstaŭnikami biełaruskich uładaŭ vysokaha ŭzroŭniu i adnačasova realizuje šerah bujnych prajektaŭ pa padtrymcy harmadzianskaj supolnaści — praharama Kalinoŭskaha, radyjo, ciapier telebačańnie, ‑‑ hetaja palityka naŭradci źmienicca.
«Hramadzianskaja platforma» — partyja byłych antykamunistaŭ z «Salidarnaści», jaje deputaty — i ŭ Polščy i ŭ Eŭraparlameancie — Kamaroŭski, Klich, Tyškievič, Kudrycka — viadomyja svajoj haračaj padtrymkaj biełaruskich spraŭ. Taksama jak i lider mierkavanaha budučaha kalicyjanta «Platformy» Demakratyčnaj partyi — Januš Anyškievič.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary