Prezident Rasii Uładzimir Pucin prakamientavaŭ kryminalnyja spravy suprać apazicyjaniera Alaksieja Navalnaha, zajaviŭšy, što baraćbity z karupcyjaj pavinny sami być kryštalna čystymi.
«Ludzi, jakija zmahajucca z karupcyjaj, sami pavinny być kryštalna čystymi, inakš usio heta nabyvaje formu samapijaru i palityčnaj rekłamy, — skazaŭ Pucin. — I ni ŭ kaho nie pavinna być iluzij: kali chtości hučna kryčyć «trymaj złodzieja», to heta nie značyć, što jamu samomu dazvolena kraści».
Rasijski prezident śćviardžaje, što źviarnuŭ uvahu Hienieralnaj prakuratury i inšych pravaachoŭnych orhanaŭ na nieabchodnaść abjektyŭnaha razhladu rezanansnych spraŭ.
«Kali čałaviek maje niejkija pohlady, adroznyja ad dziejnych uładaŭ, heta nie aznačaje, što treba šukać lubuju nahodu, kab ciahnuć jaho ŭ sud abo potym u turmu», — adznačyŭ Pucin.
Suprać Navalnaha raspačaty try kryminalnyja spravy. U Kiravie ciapier razhladajecca sprava ab kradziažy 16 młn rasijskich rubloŭ (500 tys. dalaraŭ) na pradpryjemstvie «Kiraŭles». Usie hetyja spravy Navalny nazyvaje palityčna matyvavanymi.
«Vyjhraŭ sprečku ŭ Jašyna [apazicyjanier Illa Jašyn] i praktyčna dasłoŭna pradkazaŭ, što Pucin adkaža na pytańnie ab «spravie Navalnaha», — napisaŭ Navalny u Twitter paśla zajavy Pucina.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary