Voś ja dumaju što. Prezydent uvieś čas prabivaje na šmat karysnych instrukcyj, zaŭvah, a my ŭsio heta u paŭsiadzionnym žyćci tupa prafukvajem. Feljeton Lolika Uškina z błohu «Levym vokam».
Voś ja dumaju što. Prezident ŭvieś čas prabivaje na šmat karysnych instrukcyj, zaŭvah, a my ŭsio hieta u paŭsiadzionnym žyćci tupa prafukivajem.
Naprykład, tydzień tamu lider prapisaŭ usim pierachodzić z čarniłaŭ i harełki na piva i takim čynam uzdymać pierśpiektyŭny jačmienny siektar.
Pierachodzić tak pierachodzić.
Adčyniaju siońniašniuju saŭbiełku.
I šo Vy dumajecie publikujecca na jaje staronkach?
Razromny redakcyjny kamientar pra apazicyjanieraŭ, jakija siadziać na čarniłach i pry hetym nazyvajuć siabie patryjotami.
Nie.
Kamientar čempijonu śvietu Ivana Tichona kštałtu: “ia, kali dźvie krynički-adzinički zasasu, jašče dalej mołat zakinuć mahu”.
Chrienuški.
Spoviedź bamža, byłoha dyrektara bujnaha zavodu. U jaho było ŭsio – mašyna, žonka, dom, dzieci, džakuzi. Jaki jak tolki pierastaŭ pić piva, pakaciŭsia ŭniz i zaraz ćviarozy kardonnyja karobki ŭ Ždanovičach źbiraje.
Niama taksama ŭ SB takoha materyjału. .
Pra mudruju instrukcyju prezidenta ŭžo zabyli.
Adzin z mahčymych srodkaŭ suprać hetkaj sacyjalnaj amniezii, mahła b stać kalandarnaja reforma.
Patrebny novy kalandar pa staradaŭniamu jehipieckamu pryncypu. Tam u ich naprykład, usia chronika była pryviazana da praŭleńnia taho ci inšaha faraona. Skažam: turystyčny nadpis na piramidzie Chieopsu vyhladaŭ tady nastupnym čynam: “U piaty hod praŭleńnia Ramziesa tut byli Maša ź Fivaŭ i Piecia z Daliny mierćviakoŭ“.
Ja prapanuju žyć nie miesiacach, kvartałach i tydniach, a pakłaści ŭ asnovu chranałahičnaj adzinki datu, kali prezident daŭ mudruju instrukcyju.
Naprykład, kali ŭžo my kažam pra piŭnuju, to siońnia ŭ nas nie 28 žniŭnia. Siońnia 7-yj dzień Ery vykanańnia patrabavańnia prezidenta ab pierachodzie spažyvańnia z čarniłaŭ na piva
Jak tolki prezident daść novuju mudruju ŭstanoŭku, “piŭnaja” era zakončycca i pačniecca niejkaja novaja.
Heta dazvolić aryntavacca ŭ časovaj prastory, paralelna anhažujučysia ŭ hramadska –palityčny praces.
Voś vy kažycie siabru: “pamiataju 5 žniŭnia naziuziukaŭsia jak parasia”.
Dziakujučy reformie heta b hučała inakš, z uzvyšanym tonusam.
“Pamiataju ŭ 5-yj dzień Epochi vykanańnia instrukcyi prezidenta pa pašyreńniu kultyvacyi kukuruzy na Haradzienščynie naziuziukaŭsia jak parasia”.
Adčujcie roźnicu.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary