Ab hetym skazana ŭ pryvitalnym słovie kiraŭnika krainypiedahahičnym rabotnikam, jakoje ahučyŭ u čaćvier pieršy namieśnik kiraŭnika Administracyi prezidenta Alaksandr Radźkoŭ u čas uračystaha śviata, pryśviečanaha Dniu nastaŭnika, u licei BDU.
«Biełaruskaje nastaŭnictva źjaŭlajecca nadziejnaj aporaj dziaržavy, dziaržavy, jakaja robić usio mahčymaje dla ŭzmacnieńnia sacyjalnaj abaronienaści piedahahičnych rabotnikaŭ i pavyšeńnia prestyžu ich pracy», — havorycca ŭ pryvitańni Łukašenki.
Na nastaŭnikaŭ i vykładčykaŭ uskładajecca adkaznaja misija: nie tolki dać dzieciam hłybokija viedy, ale i vychavać ich u duchu hramadzianskaści i patryjatyzmu, navučyć žyć intaresami krainy.
Prafiesija piedahoha zdaŭna źjaŭlajecca adnoj z samych šanavanych u Biełarusi.
«My cenim vašy zasłuhi ŭ zabieśpiačeńni vysokaj jakaści ajčynnaj adukacyi, važki ŭkład u sacyjalna-ekanamičny prahres krainy, zachavańnie duchoŭnych i maralnych ideałaŭ našaha hramadstva», — skazana ŭ pryvitańni.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju6
Kamientary