U internecie źjaviłasia čarhovaje paklopnickaje videa pra Biełaruskuju asacyjacyju žurnalistaŭ
8-chvilinny rolik vyrableny ŭ žanry mini-filmaŭ BT. U im ačarniajecca kiraŭnictva arhanizacyi i ŭsia biełaruskaja niezaležnaja žurnalistyka.
Miarkujučy pa tym, chto i ŭ jakim kantekście fihuruje ŭ filmie, jaho pačali vyrablać hod ci paŭtara nazad, kali ŭłady razharnuli prapahandysckuju kampaniju suprać Biełaruskaj asacyjacyi žurnalistaŭ (BAŽ). Tady ES razhladała mahčymaść uviadzieńnia novych sankcyj suprać łukašenkaŭcaŭ, a jany pahražali adpomścić u adkaz atakaj na BAŽ i svabodnyja ŚMI.
U pryvatnaści, u filmie cytujecca kiraŭnictva BAŽ, jakim jano było da apošniaha źjezda arhanizacyi, a taksama robiacca sproby spravakavać raskoł u arhanizacyi.
Vidać, zakazčyku filma stužka tady ŭrešcie tak i nie spatrebiłasia. Ciapier ža jaje dapracavali i vystavili ŭ internet, kab dabro nie prapadała.
BAŽ abjadnoŭvaje paŭtary tysiačy žurnalistaŭ z samych roznych ŚMI. Arhanizacyja abaraniaje ich intaresy i adstojvaje pryncypy svabody słova. U krainie isnuje taksama aficyjozny Biełaruski sajuz žurnalistaŭ, padkantrolny ŭładam.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary