U aŭtorak, 15 kastryčnika, u Jeŭropie byŭ zavieršany kvalifikacyjny hrupavy turnir čempijanatu śvietu pa futbole, što projdzie nastupnym letam u Brazilii.
Takim čynam na čempijanat jeduć: Bielhija, Italija, Hiermanija, Niderłandy, Šviejcaryja, Rasija, Bośnija, Anhlija, Ispanija.
U stykavych matčach zhulajuć: Charvatyja, Šviecyja, Rumynija, Isłandyja, Partuhalija, Hrecyja, Ukraina, Francyja.
Adna ź siensacyj stykaŭ: zbornaja Isłandyi, jakaja zdoleła apiaredzić u svajoj hrupie słaviencaŭ i narviežcaŭ i prapuściła napierad tolki Šviejcaryju. A voś Danija, što finišavała ŭ svajoj hrupie 2-j, u styki nie trapiła, u jaje najmienšaja kolkaść bałaŭ siarod kamandaŭ druhich miescaŭ.
Losavańnie projdzie 21 kastryčnika. Sami matčy płej-of adbuducca 15 i 19 listapada.
Nahadajem, što zbornaja Biełarusi ŭ hrupavym turniry zaniała apošniaje 5-je miesca: Ispanija — 20, Francyja — 17, Finlandyja — 9, Hruzija — 5, Biełaruś — 4.
Kamientary