Mižnarodnaja asacyjacyja vydaŭcoŭ patrabuje viarnuć Łohvinavu licenziju
U aficyjnym liście mižnarodnaja arhanizacyja nazyvaje abraźlivym sam pryncyp dziaržaŭnaha licenzavańnia vydavieckaj dziejnaści.
U liście cytujecca vykazvańnie kiraŭnik Kamiteta pa svabodzie druku Asacyjacyi Uła Valina: «Asacyjacyja kateharyčna nie prymaje rašeńnie Ministerstva infarmacyja Biełarusi. Pazbaŭleńnie vydaviectva «Łohvinaŭ» jaho zakonnaha prava na druk nieprymalnaje ahułam i ŭ pryvatnaści. Umiašalnictva uładaŭ u lehalnuju pracu vydaŭca nie moža być abhruntavanaje i sama ideja licenzavańnia dziaržavaj vydavieckaj dziejnaści źjaŭlajecca abraźlivaj».
«My zaklikajem urad Biełarusi nieadkładna adklikać svajo rašeńnie ŭ dačynieńni da vydaviectva «Łohvinaŭ».
Aproč taho my zaklikajem urad Biełarusi da abarony prava na svabodu druku dla ŭsich hramadzianaŭ Biełarusi. Svaboda druku źjaŭlajecca adnoj z asnovaŭ sučasnaj hramadzianskaj supolnaści, bieź jakoj niemahčymy ekanamičny i demakratyčny prahres».
Ministerstva infarmacyi adklikała licenziju vydaŭca Ihara Łohvinava, vydadzienuju 8 krasavika 2009 hoda. Paviedamleńnie pra spynieńnie licenzii na vydavieckuju dziejnaść indyvidualny pradprymalnik Ihar Łohvinaŭ atrymaŭ 23 vieraśnia. Dakumient padpisała pieršaja namieśnica ministra infarmacyi Lilija Ananič. Licenzija adklikajecca «ŭ suviazi z dapuščanymi hrubymi parušeńniami zakanadaŭstva ab licenzavańni». Havorka idzie pra vypusk alboma «Pres-fota Biełarusi 2011», jaki sud Ašmianskaha rajona pryznaŭ ekstremisckim 18 krasavika 2013 h.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?3
Kamientary