Biesparadki ŭ Daniecku: prarasijskija aktyvisty šturmavali Prakuraturu, SBU, hałoŭny biznes-centr Danbasa VIDEA
Aktyvisty mitynhu ŭ padtrymku «narodnaha hubiernatara» Paŭła Hubarava ŭziali šturmam budynak upraŭleńnia Słužby biaśpieki Ukrainy pa Danieckaj vobłaści. Pierad hetym jany zachapili budynak abłasnoj prakuratury.
Siły pravaachoŭnikaŭ padčas šturmu akazali bolšy supraciŭ, čym pierad budynkam abłprakutarury, ale paśla 10-chvilinaha supracivu, dźviery budynka byli vybityja.
Aktyvisty zaniali choł SBU i patrabujuć vyzvaleńnia pravadyra [aryštavany na 2 miesiacy sudom Kijeva], skandujučy: «Rasija!».
Prarasijskija aktyvisty zaniali taksama budynak Industryjalnaha sajuza Danbasa. Jany zajšli ŭ jaho z zadniaha ŭvachodu i prymusili achovu adčynić paradnyja dźviery.
Taksama achova była vymušana pa patrabavańni mitynhoŭcaŭ adklučyć unutranaje videanazirańnie ŭ budynku i terminova patelefanavać uładalniku — hubiernataru Danieckaj vobłaści Siarhieju Tarutu.
U dadzieny momant u horadzie całkam pierakryta vuł. Ščorsa.
Prarasijskija elemienty razmachvajuć ściahami Rasii i skandujuć tradycyjnaje «Rasija» i «Milicyja z narodam».
Milicyja zbolšaha biaździejničaje. Ale na ŭsialaki vypadak aktyvisty vystaŭlajuć na piaredni «front» žančyn, kab pravaachoŭniki i nie zmahli pačać siłavy razhon.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary