Biełaruski stend na Mižnarodnaj knižnaj vystavie ŭ Paryžy abjadnaŭ litaraturu troch vydaviectvaŭ — «Mastackaj litaratury», «Vyšejšaj škoły» i «Biełknihi».
Udzieł biełaruskaj delehacyi ŭ knižnym forumie arhanizavany pry sadziejničańni pasolstva Biełarusi ŭ Paryžy ŭ ramkach Dzion biełaruskaj kultury ŭ Francyi.
Šmatlikija hości stenda znajomiacca z mastackaj, histaryčnaj, dziciačaj, navučalnaj litaraturaj, jakaja vydadziena ŭ Biełarusi na biełaruskaj, ruskaj, francuzskaj i anhlijskaj movach. Biełaruskija knihavydaŭcy ŭpieršyniu pryjechali na hety prestyžny knižny sałon, jaki prachodzić u Paryžy 20-24 sakavika.
U składzie biełaruskaj delehacyi — dyrektar vydaviectva «Mastackaja litaratura» Uładzisłaŭ Mačulski, dyrektar vydaviectva «Vyšejšaja škoła» Alaksandr Niačaj i dyrektar AAT «Biełkniha» Alaksandr Vaškievič, a taksama načalnik upraŭleńnia Ministerstva infarmacyi Alena Paŭłava. Jak raskazaŭ Uładzisłaŭ Mačulski, udzieł u ekspazicyi — heta dobraja mahčymaść pakazać svaju litaraturu, a taksama aznajomicca z zamiežnym vopytam knihavydańnia.
Mižnarodny knižny sałon štohod prachodzić u sakaviku ŭ Paryžy i źjaŭlajecca adnym z najbolš značnych i viadomych mierapryjemstvaŭ u knižnym śviecie. Kožny hod u rabocie sałona prymajuć udzieł bolš jak 1 tys. vydaviectvaŭ z 50 krain śvietu.
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
Kamientary