Kamandzir karabla «Sajuz TMA-9» Michaił Ciuryn raspavioŭ pra toje, adkul, na jahonuju dumku, źjaŭlajucca čutki pra NŁA.
«Voś prykład, jaki ja naziraŭ na ŭłasnyja vočy, znachodziačysia na MKS. Ad źniešniaj ašaloŭki stancyi adlacieŭ maleńki kavałačak ciepłaachoŭnaj farby. Z adnaho boku jon ciomny, ź inašaha – śviatłoadbivalny. Čałaviečy zrok uładkavany tak, što pry pohladzie ŭ iluminatar stancyi na fonie čornaj pustečy kosmasu, dzie niama aryjenciraŭ, a taksama maštabu, što znachodzicca bližej, a što dalej, hety kavałačak, rytmična kruciačysia adnosna soniečnaha śviatła, stvaryŭ uražańnie, byccam chtości padaje sihnały z kosmasu lichtarykam », – skazaŭ jon.
Ciuryn tłumačyć, što kali promni Sonca traplajuć na śviatłoadbivalnuju častku pavierchni kavałačka farby, na čornym fonie ŭtvarajecca ŭspyška. Miž tym, kali paviarnucca inšym bokam, to budzie ciemnata, piša naked-science.ru.
«Tamu, vałodajučy dastatkovaj fantazijaj, ja moh by, miarkujučy pa ŭsim, dumać, što inšapłanietny karabiel padaje śvietłavyja sihnały z peŭnaj taktavaj častatoj. Ale ja razumieju, što heta ŭsiaho tolki kavałačak farby z ašaloŭki MKS », – kaža jon.
Rasiejski kasmanaŭt taksama padkreśliŭ, što ni razu za svajo žyćcio nie bačyŭ čałavieka, jaki, pierabyvajučy ŭ zdarovym rozumie, moh by adkazna i arhumientavana śćviardžać, što bačyŭ NŁA.
«Ani razu nie bačyŭ čałavieka, jaki chacia b pra siabie adkazna skazaŭ, što asabista bačyŭ NŁA. U takich vypadkach zvyčajna spasyłajucca na inšuju asobu abo na niejkija prykłady », – skazaŭ jon.
Paviedamleńni pra nieapaznanyja latalnyja abjekty źjaŭlajucca zaŭsiody. Adnak, jak praviła, pry detalovym analizie dadatkovaj infarmacyi ŭ vyniku akazvajecca, što nijakaha «našeścia NŁA» nie było.
Tak, žychary hrafstva Devon (Vialikabrytanija) nie tak daŭno śćviardžali, što bačyli nieapaznany abjekt, šery koleram i avalny formaj, jaki pavolna łunaŭ nad vietravoj elektrastancyjaj. Tajamničy abjekt navat vypadkova trapiŭ u kadr prafiesijnaha fatohrafa, jaki tak i nie zmoh vyznačyć, što heta moža być. Razam z tym adznačałasia, što ŭ hety čas pošukava-vyratavalnaja słužba Devon pravodziła navučalnyja mierapryjemstvy, i tajamničym abjektam moh być samalot.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary