Ranicaj 7 studzienia połackija pamiežniki zatrymali mužčynu z žančynaj. Paru vyjavili ŭ pamiežnaj zonie. Dakumientaŭ na prava znachodžańnia ŭ hetaj zonie ŭ zatrymanych nie było, paviedamlaje pres-słužba dziaržaŭnaha pamiežnaha kamiteta Biełarusi.
Vyśvietliłasia, što mužčyna mieŭ irakskaje hramadzianstva, a jaho spadarožnica – biełaruska, jakaja žyaje ŭ Minsku. Pry asabistym ahladzie ŭ irakca znajšli karty miascovaści, ciopłyja rečy i hrošy. Jon nie staŭ chavać, što asnoŭnaj jaho metaj było žadańnie niezakonna pierasiekčy dziaržaŭnuju miažu.
Maładaja minčanka — 1993 hoda naradžeńnia — pryznana parušalnicaj dziaržaŭnaj miažy i pahraničnaha režymu. Joj daviadziecca vypłacić štraf. 25-hadovy hramadzianin Iraka taksama aformleny parušalnikam dziaržaŭnaj miažy, ale dla dalejšaha razboru jon źmieščany ŭ izalatar časovaha ŭtrymańnia Połackaha pahraničnaha atrada.
Kamientary