Prezident ZŠA Barak Abama i premjer-ministr Vialikabrytanii Devid Kemieran zajavili, što ćviordyja ŭ svajoj rašučaści supraćstajać «ahresii» Rasiei na Ukrainie. Svaju pazicyju jany vykazali ŭ artykule pad nazvaj «My nie dazvolim, kab na hołas svabody nadzieli namordnik», apublikavanaj u haziecie The Times.
Lidary dźviuch dziaržaŭ abaviazalisia padtrymlivać dypłamatyčny cisk na Rasiju. «Kali my dazvolim, kab takija fundamientalnyja parušeńni mižnarodnaha prava zastavalisia biespakaranymi, my ŭsio pacierpim ad niestabilnaści, jakaja stanie śledstvam hetaha», - padkreślili Abama i Kemieran.
Pa ich słovach, u procidziejańni palitycy Rasii była vypracavana «mocnaja i salidarnaja reakcyja». Zachad «pasłaŭ niedvuchsensoŭny sihnał, što mižnarodnaja supolnaść nie budzie stajać u baku, hledziačy, jak Rasija sprabuje destabilizavać Ukrainu», - zajavili lidery ZŠA i Vialikabrytanii.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami11
Kamientary