Vuličnyja mastaki z roznych krain razmalujuć minskija ścieny pavodle matyvaŭ haradskoha falkłoru ŭ miežach prajekta Urban Myths, havorycca ŭ pres-relizie supolnaści Signal, jakaja vystupaje inicyjataram prajekta.
Akcyja budzie doŭžycca z červienia pa listapad 2015 hoda. U joj voźmuć udzieł mastaki ź Biełarusi, Brazilii, Ispanii, Ukrainy, Polščy, Rasii i Šviecyi.
Pavodle słoŭ adnaho z arhanizataraŭ prajekta, kuratara Centra sučasnych mastactvaŭ Kamiły Januškievič, bolšaść stryt-art-fiestyvalaŭ u śviecie nosiać «adnabakovy» charaktar. Jak praviła, pryjezdžyja mastaki realizujuć svaje prajekty, nie ŭnikajučy hłyboka ŭ miascovy kałaryt, u vyniku čaho horad atrymlivaje čužarodnyja art-abjekty, jakija vydatna hladziacca na fota, ale nie ŭsprymajucca žycharami.
«My ž u svaim prajekcie prapanujem inšuju kancepcyju: dla zamiežnych mastakoŭ arhanizujucca ekskursii pa kałarytnych miescach horada. Luby achvotny zmoža dałučycca i dapoŭnić raspovied ekskursavoda. Takaja prahułka, na naš pohlad, dazvolić hościu lepš uspryniać asablivaści taho miesca, kudy jon pryjechaŭ. Atrymaŭšy viedy pra horad, mastak raspracuje kancepcyju svajoj raboty i prapanuje jaje na publičnym abmierkavańni (varkšopie). My chočam, kab u hetych varkšopach udzielničali žychary taho rajona, dzie budzie znachodzicca abjekt. I tolki paśla hetaha mastak pačnie realizacyju zadumanaha, a ŭsie astatnija ŭdzielniki varkšopaŭ zmohuć być vałanciorami i dapamahać majstru», — skazaŭ kaardynatar prajekta Aleh Łaryčaŭ.
Na jaho dumku, mify — važnaja častka haradskoj identyčnaści i kulturnaj kansalidacyi žycharoŭ. «Mnohija viedajuć dzieda Kazimira ŭ Minsku, staroha Bukaškina ŭ Jekaciarynburhu, aŭtobus-pryvid u Łondanie, a taksama lehiendy pra žaleznaha vaŭka ŭ Vilniusie, zahadkavyja taneli pad Visłaj u Varšavie abo satyryčnyja pachodžańni bravaha sałdata Šviejka ŭ Prazie. Časta haradskija supolnaści śviadoma farmirujuć i raźvivajuć miascovuju mifałohiju. Jak praviła, takija inicyjatyvy sadziejničajuć rostu turystyčnaj pryvabnaści haradoŭ», — adznačyŭ Łaryčaŭ.
Pavodle jaho słoŭ, arhanizatary viaduć pieramovy z techničnymi partniorami prajekta. Tym nie mienš, padkreśliŭ Łaryčaŭ, pryjezd pieršych troch mastakoŭ ź Ispanii, Polščy i Ukrainy stanie mahčymym dziakujučy narodnamu finansavańniu praź biełaruski kraŭdfandynhavy servis Talakosht.
Na dumku arhanizataraŭ, pryncyp kraŭdfandynhu dazvolić acanić zacikaŭlenaść minčan u takim prajekcie i adčuć siabie dałučanymi da pazityŭnych źmien u horadzie.
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary