Adklikany z parłamienta zakonaprajekt ab pryvatyzacyi, zhodna ź jakim pradstaŭniki dziaržavy mahli b pryznačacca navat u tyja akcyjaniernyja tavarystvy, stvoranyja ŭ pracesie pryvatyzacyi, u jakich niama doli dziaržavy.
Pavodle infarmacyi BiełaPAN, dakumient adklikany paŭtara miesiaca tamu i nie budzie razhladacca na viasieńniaj siesii Pałaty pradstaŭnikoŭ.
Zakonaprajekt ab pryvatyzacyi ŭ pieršym čytańni byŭ pryniaty nižniaj pałataj biełaruskaha parłamienta ŭ červieni 2013 hoda. Heta padzieja vyklikała šyroki rezanans.
Praduhledžvałasia, što dziaržpradstaŭniki zmohuć prypyniać vykanańnie rašeńniaŭ ahulnaha schodu akcyjanieraŭ u vypadku, «kali realizacyja hetych rašeńniaŭ supiarečyć hramadskaj karyści i biaśpiecy, nanosić uron navakolnamu asiarodździu, uščamlaje pravy i intaresy inšych asob, jakija abaraniajucca zakonam».
Pradstaŭniki biźniesu i mižnarodnych finansavych arhanizacyj nieadnarazova źviartalisia va ŭrad, vykazvajučy zaniepakojenaść zakonaprajektam, i prapanoŭvali nie prymać hety dakumient.
Tak, členy Kansultatyŭnaha savieta pa zamiežnych inviestycyjach pry Saviecie ministraŭ źviartalisia da premjer-ministra Biełarusi i dakazvali, što pryniaćcie zakonaprajekta admoŭna ŭpłyvaje na dziełavy klimat u krainie.
«Mahčymaść nakładańnia čynoŭnikami zabarony na šerah rašeńniaŭ akcyjaniernych tavarystvaŭ pa sutnaści aznačaje viartańnie da situacyi, anałahičnaj isnavańniu admienienaha jašče ŭ 2008 hodzie instytuta «załatoj akcyi», — havaryłasia ŭ liście, jakoje kansultatyŭny saviet u suviazi z padrychtoŭkaj zakonaprajekta nakiroŭvaŭ va ŭrad.
U 2014 hodzie pradstaŭniki Dziaržkammajomaści zajaŭlali, što ŭ suviazi z krytykaj z boku biźnies-supolnaści ŭ zakonaprajekt ab pryvatyzacyi płanavałasia ŭnosić istotnyja źmianieńni.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary