30 polskich bajkieraŭ u Terespali pryvitali adzinaha prapuščanaha ŭ Polšču «načnoha vaŭka»
Praŭda, jon admaŭlaje, što jon naležyć da «Načnych vaŭkoŭ».
Jak paviedamlaje karespandent «Našaj Nivy» Arciom Harbacevič, pieršy rasijski bajkier pierajechaŭ polskuju miažu.
Na pamiežnym pierachodzie zastajucca 10 rasijskich bajkieraŭ. Na pytańnie ab tym, ci naležyć prapuščany bajkier da kłuba «Načnyja vaŭki», jon adkazaŭ: «Ja ź miemaryjału Słavy i Pieramohi».
Pa słovach polskich pamiežnikaŭ, «Vaŭkam» prajezd u Polšču zabaronieny. U toj ža čas niekatorym inšym hrupam bajkieraŭ dazvoły dadzieny. Dadzienuju hrupu ź dziesiaci bajkieraŭ polskija pamiežniki paličyli prynaležnaj da «Vaŭkoŭ», niahledziačy na toje, što jaje ŭdzielniki heta admaŭlali.
Z polskaha boku prapuščanaha bajkiera sustrakali 30 polskich bajkieraŭ z ruchu «Katynski rejd», a taksama niekalki aktyvistaŭ prarasijskich arhanizacyj.
fota Siarhieja Zinina
Pradstaŭnik «Katynskaha rejdu» Viktar Vienhžyn u hutarcy z žurnalistami «Haziety vyborčaj» nazvaŭ polskija ŭłady «bandaj niaŭdačnikaŭ i zładziejaŭ». Jon zajaviŭ, što infarmacyju pra ŭdzieł «Načnych vaŭkoŭ» u anieksii Kryma mahli prydumać «chłuślivyja polskija miedyi».
Źviartaje ŭvahu, što razrekłamavany rejd rasijskich bajkieraŭ na Bierlin prachodzić biez razmachu, ułaścivaha «pachodam na Sievastopal» u hady, što papiaredničali zachopu paŭvostrava Rasijaj. U rejdzie na Bierlin pakul biaruć udzieł tolki 11 čałaviek na 10 matacykłach. Siarod ich — nivodnaha biełarusa.
Niešmatlikuju hrupu ŭčora na Kurhanie Słavy vitaŭ namieśnik kiraŭnika Administracyi prezidenta Ihar Buzoŭski pad dziaržaŭnymi ściahami. Paralelna ŭ Minsku byli arhanizavanyja ŭłasnabiełaruskija akcyi pamiaci vajny z udziełam matacyklistaŭ i pamočnika prezidenta pa nacyjanalnaj biaśpiecy Viktara Łukašenki.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary