U piatnicu redaktar «Našaj Nivy» naviedaŭ Pasolstva Łatvijskaj Respubliki ŭ Miensku. Na hety momant Łatvija pradstaŭlaje ŭ Biełarusi intaresy Eŭraźviazu.
U piatnicu redaktar «Našaj Nivy» naviedaŭ Pasolstva Łatvijskaj Respubliki ŭ Miensku. Na hety momant Łatvija pradstaŭlaje ŭ Biełarusi intaresy Eŭraźviazu.
U vyniku hutarki było damoŭlena, što na čarhovaj sustrečy pasłoŭ krainaŭ EZ, jakija adbyvajucca ŭ aŭtorki, pasoł Łatvii spn. Majra Mora painfarmuje svaich kalehaŭ pra sytuacyju vakoł «Našaj Nivy» i aznajomić z Redakcyjnym zvarotam u hetaj spravie.
Varta nahadać, što rychtujecca zvarot da Prezydenta i Premjer-ministra Litvy z prośbaj, kab jany chadajničali pierad JUNESKA ab uklučeńni hazety «Naša Niva» ŭ «Śpis niemateryjalnaj kulturnaj spadčyny čałaviectva». Na dumku Redakcyi, Litva maje maralnaje prava na heta, bo «Naša Niva» ŭ 1906–1915, 1991–1996 vydavałasia ŭ Vilni. 100-hodździe hazety, jakaja vytvaryła biełaruskuju litaraturnuju movu, biełaruskuju klasyčnuju litaraturu, biełaruskuju dziaržaŭnickuju ideju – dobraja dla taho nahoda. «Naša Niva» maje prasić urady inšych krainaŭ, mižnarodnyja i niedziaržaŭnyja instytucyi, što majuć takoje prava, padtrymać hetaje chadajnictva pierad JUNESKA.
Raniej pradstaŭniki «NN» užo painfarmavali pra raźvićcio sytuacyi pasłoŭ Litvy i ZŠA.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary