Letaś statystyka pa kolkaści novavyjaŭlenych nośbitaŭ virusu ŭ Śvietłahorsku i Śvietłahorskim rajonie pahoršyłasia amal udvaja.
U samym nieščaślivym pa hetaj strašnaj chvarobie rehijonie Biełarusi nijak nia mohuć dać rady ź jejnym raspaŭsiudam. Niadaŭna adbyłosia pasiedžańnie rajonnaj kaardynacyjnaj rady ŭ prablemach VIČ/ŚNID. Hałoŭnaja navina — letaś statystyka pa kolkaści novavyjaŭlenych nośbitaŭ virusu ŭ Śvietłahorsku
U 2007 hodzie było zafiksavana 190 vypadkaŭ zaražeńnia VIČ‑infekcyjaj, a da hetaha štohod rehistravałasia kala 100. Užo ŭ studzieni 2008 hodu byli vyjaŭlenyja jašče 20 novych nośbitaŭ infekcyi, jašče 5 — u pačatku lutaha. Dla paraŭnańnia, usiaho ŭ Biełarusi ŭ studzieni vyjaŭlena 72 VIČ‑infekavanych pacyjenty. Heta značyć, na Śvietłahorščynu prychodzicca amal tracina chvorych.
Asnoŭnym šlacham pieradačy infekcyi apošnim časam staŭ połavy: u 2007 hodzie bolš za 70% nośbitaŭ zarazilisia mienavita takim sposabam.
U planach miascovych uładaŭ — vyrab nakładam nia mienš za 20 tysiač asobnikaŭ i raspaŭsiuž spamiž nasielnictva Śvietłahorskaha rajonu specyjalnych infarmacyjnych ulotak, stvareńnie videarolikaŭ, demanstracyja pa miascovaj televizii sacyjalnaj reklamy, praviadzieńnie tradycyjnych akcyj, prymierkavanych da dnia prafilaktyki ŚNIDu.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary