Pačatak prezentacyi knihi «Fraški da plaški»: čaćvier, 13 sakavika, 18.30, Horadnia, Budzionnaha 48a—44 (pamiaškańnie Tavarystva Biełaruskaj Škoły).
U čaćvier 13 sakavika a 18.30 uładalnik litaraturnaj premii «Załataja Litara» — 2008 žurnalist Sieviaryn Kviatkoŭski prezientuje ŭ Hrodna svaju knihu «Fraški da plaški». Paśla prezientacyi adbudziecca vystup barda Źmitra Bartosika.
Pačatak prezientacyi knihi «Fraški da plaški»: čaćvier, 13 sakavika, 18.30, Hrodna, Budzionnaha 48a-44 (pamiaškańnie Tavarystva Biełaruskaj Škoły).
Uvachod volny, zaprašajem.
Zbornik «Fraški da plaški» — heta Adamovič, Aniempadystaŭ, Arłoŭ, Babkoŭ, Bartosik, Vańkovič, Kamockaja, Kanavalčyk, Kaškurevič, Korań, Kullinkovič, Paźniak, Puškin, Sieviaryniec, Skaryna, Sys, Šuškievič, a taksama: ziemlaki, ziamlanki, vykładčyki BDU, mianty, psichi, rabotniki ŚMI, piensijanierki, biznesoŭcy, pradavački, mytniki, pamiežniki, taksisty, bepeesemaŭcy, emihranty, palaki, ukraincy, łatyšy, šatłandcy, habrei, litoŭcy, rasiejcy, mastaki, muzyki, bardy, teatrały, kulinary, studenty i, viadoma ž, dzieci.
«Heta alternatyŭnaja historyja najnoŭšaj Biełarusi, raspaviedzienaja za siabroŭskaj biasiedaj», — tak paŭžartam tłumačyŭ aŭtar znajomym, jakija pytalisia, pra što knižka. A dakładniej, heta nievialikija frahmienty historyjaŭ kankretnych ludziej. Bolšaść sabranych tut frašak źviazanyja z vypiŭkaj. Ale knižka nie jość odaj Bachusu. Historyi, raspaviedzienyja ŭ fraškach, nie pra ałkahol, a pra ludziej. Aŭtar maluje karcinu žyćcia biełarusaŭ novaj epochi — epochi Niezaležnaści.
Śmiešnyja pa formie, fraški — aniekdoty z žyćcia — zakranajuć surjoznyja temy ŭzajemadačynieńnia tvorcy i ŭłady, paŭstańnia biełaruskaj movy jak elitarnaj, a nie kałchoznaj, źjaŭleńnia novaj hienieracyi, dla jakoj ideja biełaruščyny – nie łubok, a sposab samaidentyfikacyi ŭ prastory i časie.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary