U palaŭničych uhodździach kala vioski Viertniki Dziaržynskaha rajona jehieru ŭdałosia zatrymać brakańjera, stralaŭ pa žyviołach z aŭtamabila «Niva». Pra heta paviedamili ŭ Dziaržaŭnaj inśpiekcyi achovy žyviolnaha i raślinnaha śvietu pry prezidencie Biełarusi.
U sałonie mašyny palaŭničaha śpiecyjalisty sa Staŭbcoŭskaj mižrajonnaj inśpiekcyi znajšli palaŭničy karabin, dźvie strelanyja hilzy i faru-šukalnik, a na bampiery i ŭ bahažniku — reštki šerści i plamy padsochłaj kryvi. Vyrašana było ahledzieć daču mužčyny, jakaja mieścicca niepadalok.
Padazreńni akazalisia nie biespadstaŭnymi. Pieršaje, što pryciahnuła ŭvahu pry ŭvachodzie ŭ haraž, — škura čyrvanaknižnaha barsuka. Znojdzienyja taksama dźvie pary rahoŭ kazuli i mnostva pastak. Znajšlisia tut i sietkavyja pryłady łoŭli ryby, i miasa dzičyny.
Adnak bolš za ŭsio ŭraziŭ inśpiektaraŭ i supracoŭnikaŭ milicyi «dačny arsienał» zatrymanaha. Akramia dvuch niezarehistravanych palaŭničych strelbaŭ, minčuk zachoŭvaŭ u siabie na dačy paŭtary sotni patronaŭ da pistaleta Makarava i kala sta patronaŭ da aŭtamata Kałašnikava.
Usia zbroja i bojeprypasy kanfiskavanyja, na aŭtamabil parušalnika nakładzieny aryšt. Viadziecca śledstva pa faktach niezakonnaha palavańnia.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?10
Kamientary