Turcyja ŭ suviazi z abvastreńniem adnosinaŭ z Rasijaj z-za avijaincydentaŭ moža pierahledzieć pytańnie zakupak rasijskaha hazu, zajaviŭ prezident Turcyi Redžep Taip Erdahan.
«Rasija pavinna być adčuvalnaja ŭ hetych pytańniach. My źjaŭlajemsia pakupnikom numar adzin pryrodnaha hazu z Rasii. Strata Turcyi budzie surjoznaj strataj dla Rasii. Pry nieabchodnaści Turcyja moža kuplać pryrodny haz u samych roznych miescach», - zajaviŭ Erdahan žurnalistam u samalocie, kirujučysia ź vizitam ź Japoniju.
Jon adznačyŭ, što Turcyja moža pierahledzieć taksama pytańnie ab budaŭnictvie AES «Akuju» pa rasijskim prajekcie.
«Kali ruskija nie pabudujuć AES «Akuju», niechta inšy pryjdzie i pabuduje jaje», — dadaŭ Erdahan, słovy jakoha pryvodzić telekanał NTV.
Minabarony RF paviedamiła ŭ paniadziełak, što 3 kastryčnika rasijski samalot Su-30 ździejśniŭ karotkačasovy, na niekalki siekundaŭ, zachod u tureckuju pavietranuju prastoru. U Minabarony adznačyli, što hety incydent staŭ vynikam niespryjalnych umoŭ nadvorja.
Turecki premjer Achmiet Davutahłu raniej zajaviŭ, što incydent nie vykliča napružanaści ŭ adnosinach pamiž krainami. Pavodle jaho słoŭ, Maskva paviedamiła Ankary, što incydent z parušeńniem vajskovym samalotam RF pavietranaj prastory Turcyi adbyŭsia pa pamyłcy, i zapeŭniła, što takich incydentaŭ nie paŭtorycca.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary