Ukrainski miratvorca AAN, paranieny padčas biesparadkaŭ u etnična padzielenaj kosaŭskaj Mitravicy, pamior u bolnicy ŭ noč na aŭtorak.
Špitalizavanyja 20 paciarpiełych supracoŭnikaŭ ukrainskaha miratvorčaha padraździaleńnia.
U paniadziełak ranicaj palicejskija AAN pry padtrymcy miratvorcaŭ NATO vyzvalili budynak suda ŭ paŭnočnaj Mitravicy, zachopleny ŭ piatnicu sierbami ŭ znak pratestu suprać niezaležnaści Kosava.
Pavodle słovaŭ vidavočcaŭ, kala budynka suda ŭzarvałasia jak minimum adna hranataju Była taksama abstralana palicejskaja stancyja. Šturm supravadžaŭsia žorstkimi sutyčkami palicejskich i miascovych žycharoŭ. Palicyja vymušana była ŭžyć ślozaciečny haz dla razhonu socień sierbaŭ, jakija abkružyli budynak sudu.
Jak paviedamiŭ u paniadziełak pradstaŭnik polskaj palicejskaj misii Maryjuš Sakałoŭski, padčas biesparadkaŭ atrymali ranieńni taksama 22 polskija palicejskija.
U toj ža dzień troje palicejskich AAN i dvoch miratvorcaŭ NATO byli ranieny ŭ vyniku vybuchu, jak adbyŭsia ŭ momant vyzvaleńnia budynka sudu siłami biaśpieki. Niekalki demanstrantaŭ atrymali traŭmy.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary