Kampanija «Burhier Kinh» u paniadziełak adkryła pieršy ŭ historyi restaran chutkaha charčavańnia pad hetaj markaj ŭ Manholii. Kampanija pryjšła ŭ krainu praz franšyzu, ustupiŭšy ŭ partniorstva ź miascovaj kampanijaj Max Group. Ceny ŭ manholskim «Burhier Kinhu» znachodziacca ŭ dyjapazonie ad dvuch da piaci dalaraŭ pry siarednim miesiačnym zarobku krainie ŭ 734 dalary [u Biełarusi siaredni zarobak — 389 dalaraŭ].
U «Burhier Kinh Manholija» źjaviłasia staronka ŭ sacsietkach. Słohan, jaki vykarystoŭvaje kampanija dla prasoŭvańnia svajoj pradukcyi ŭ krainie, hučyć jak «manhołd».
Pa słovach prezidenta Max Group, na dadzienym etapie kampanija płanuje adkryć u Manholii 10 restaranaŭ.
Na adkryćci pieršaj kropki sietki prezident manholskaj asacyjacyi inviestaraŭ Džym Duajer zajaviŭ, što kapitałaŭkładańni ŭ Manholiju zaraz vyhadnyja. Pavodle acenak analitykaŭ, niadaŭniaje vyrašeńnie kanfliktu pamiž anhła-aŭstralijskim hornazdabyŭnym kanhłamierat Rio Tinto i ŭradam krainy z-za bujnoha radovišča zołata i miedzi Ojiu Tołha nieŭzabavie dazvolić znoŭ pačać pracy na radoviščy.
Mienavita budučy pačatak asvajeńnia radovišča pryciahvaje ŭ krainu zachodnija kampanii.
Pry hetym pradstaŭnictva šerahu prestyžnych suśvietnych brendaŭ ŭžo isnujuć u Manholii. Tak, u stalicy niekalki hadoŭ tamu adkryŭsia bucik Louis Viutton i Ermenegildo Zegna, a pradstaŭnictva kampanii Porsche absłuhoŭvaje kala 30 klijentaŭ, paviedamlaje ahienctva «Asašyejted pres».
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary