Voś vam 90-hadovy jubilej BNR. Francuzy z takoj nahody ŭčyniajuć parad i ŭsieahulnaje śviata. U nas ža łoviać kajf ad niźviadzieńnia aŭtarytetaŭ. I nie sa zła heta robicca, a ad zbytku kanservatyzmu. Piša Siarhiej Dubaviec.
Voś vam 90-hadovy jubilej BNR. Francuzy z takoj nahody ŭčyniajuć parad i ŭsieahulnaje śviata. Bo havorka idzie pra punkt adliku sučasnaj dziaržaŭnaści i niezaležnaści. U nas ža nia toje, što nie śviatkujuć aficyjna, ale łoviać kajf ad razbureńnia kanstantaŭ i niźviadzieńnia aŭtarytetaŭ, zmahajucca z paniatkami metralohii, asprečvajuć santymetar. U nas ciapier mohuć i Hitlera padchvalić, i Muraŭjova-viešalnika. A to ŭsioj jornickaj bracijaj navalacca na jašče ŭčora samaha čytanaha piśmieńnika Karatkieviča ci jašče ŭčora nacyjanalnaha hieroja Kalinoŭskaha. Słovam, čym bolš «usio naadvarot», tym lepš. I nie sa zła heta robicca, a ad zbytku kanservatyzmu ŭ kaściach i niedachopu jaho ŭ hałavie. Nie łamaj toje, čaho nie budavaŭ — zdajecca, zrazumieły pryncyp. Ale ŭ nas hetamu nia vučać ni ŭ škołach, ni ŭ cerkvach, ni ŭ televizary.
BNR — heta standart sučasnaj niezaležnaj biełaruskaj dziaržavy. Ideał, heta značyć, etalon, z dapamohaj jakoha my možam vyviarać BSSR ci RB — nakolki jany sučasnyja, niezaležnyja i biełaruskija. Jak u matematycy, dzie nichto nie asprečvaje daŭžyniu santymetra, tak i ŭ našaj nacyjanalnaj matematycy paniatak BNR — heta parametry kožnaha dziaržaŭnaha ŭtvareńnia, što ŭźnikła jak vynik BNR. Nia važna — jak praciah jaje ci nasupierak joj. Važna, što ŭsie inšyja farmacyi druhasnyja paśla BNR i adnosna jaje. I voś, zdavałasia b, majem najkaštoŭniejšuju pryładu. Ujavicie sabie, jak sarvaŭsia ź miesca čałaviečy prahres, kali źjaviłasia pieršaja linarka ź pieršymi santymetrami. I jak moža rušyć napierad naš dziaržaŭny i nacyjanalny prahres z takoj pryładaju ŭ rukach.
-
Statkievič: Nastupnaje «akno mahčymaściaŭ» moža być apošnim dla biełarusaŭ
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
Kamientary