Arhkamitet Dnia Voli choča pravieści šeście pa praśpiekcie Niezaležnaści da skviera Janki Kupały
Na pieršym pasiadžeńni arhanizacyjnaha kamiteta pa śviatkavańni 25 sakavika Dnia Voli, jakoje adbyłosia 3 lutaha ŭ Minsku, abmiarkoŭvaŭsia farmat praviadzieńnia vuličnaj akcyi.
U pasiadžeńni arhkamiteta ŭdzielničali staršyni Partyi BNF Alaksiej Janukievič i Abjadnanaj hramadzianskaj partyi Anatol Labiedźka, namieśnik staršyni ruchu «Za Svabodu» Aleś Łahviniec, eks-palitviazień Mikałaj Statkievič i lidar ruchu «Razam» Viačasłaŭ Siŭčyk. U arhkamitet Dnia Voli taksama ŭvachodziać pradstaŭniki arhkamiteta pa stvareńni partyi «Biełaruskaja chryścijanskaja demakratyja» i Biełaruskaj sacyjał-demakratyčnaj partyi (Hramada).
Sioleta arhkamitet vyrašyŭ źmianić maršrut akcyi. U papiarednija niekalki hadoŭ udzielniki Dnia Voli źbiralisia kala stancyi mietro «Akademija navuk» i išli da parku Družby Narodaŭ kala płoščy Banhałor. Zaraz arhkamitet maje namier zajaŭlać maršrut šeścia pa praśpiekcie Niezaležnaści da parku imia Janki Kupały, kab uskłaści kvietki da pomnika paetu.
Arhkamitet taksama pryniaŭ rašeńnie źviarnucca da staršyni Rady Biełaruskaj Narodnaj Respubliki (BNR) Ivonki Surviły z prapanovaj zahadzia napisać vinšavalny tekst da Dnia Voli, kab vykarystoŭvać jaho ŭ padrychtoŭčaj i infarmacyjnaj kampanijach, dla praviadzieńnia akcyi ŭ Minsku.
Čarhovaje pasiadžeńnie arhkamiteta adbudziecca 9 lutaha.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary