Apublikavana abaviazacielstva ab supracoŭnictvie sa śpiecsłužbami, padpisanaje Lecham Vałensam FOTAFAKT
Materyjały polskaha Instytuta nacyjanalnaj pamiaci, jakija tyčacca Vałensy, stali dastupnyja ŭ čytalnaj zale archiva. 22 lutaha siudy puścili hrupu navukoŭcaŭ i žurnalistaŭ, zacikaŭlenych spravaj.
Dla aznajamleńnia dastupnaja tečka z dakumientami, jakija tyčacca sakretnaha supracoŭnika pad psieŭdanimam «Bolek» i byli padpisanyja eks-prezidentam Polščy Lecham Vałensam.
Materyjały, dastupnyja ŭ archivie Instytuta nacyjanalnaj pamiaci, ŭtrymlivajuć dakumient, datavany 21 śniežnia 1970 hoda. Heta abaviazacielstva ab supracoŭnictvie, padpisanaje Lecham Vałensam.
«Abaviazacielstva,
Ja, nižejpadpisany Vałensa Lech, syn Balasłava i Fieliksy, narodžany ŭ 1943 hodzie ŭ Papovie, paviet Lipna, abaviazvajusia zachoŭvać u tajamnicy ŭtrymańnie razmoŭ, praviedzienych sa mnoj rabotnikami słužbaŭ biaśpieki.
Adnačasova abaviazvajusia supracoŭničać sa słužbaj biaśpieki pry raskryćci i baraćbie z vorahami PNR.
Infarmacyju abaviazujusia pieradavać u piśmovym vyhladzie, jana budzie hruntavacca na praŭdzie. Fakt supracoŭnictva sa słužbaj biaśpieki abaviazujusia trymać u sakrecie i nie raskryvać jaho navat pierad siamjoj.
Infarmacyju budu pieradavać pad psieŭdanimam «Bolek».
Lech Vałensa
Bolek».
Kali vieryć dakumientam, znojdzienym u domie pamierłaha ministra ŭnutranych spraŭ Polščy Kiščaka, Vałensa supracoŭničaŭ z polskimi śpiecsłužbami da 1976 hoda. Lidaram apazicyi jon staŭ praz 4 hady paśla taho, u 1980-m. Tym nie mienš, pravyja siły ŭ Polščy ličać, što kolišniaja supraca sa śpiecsłužbami ŭpłyvała na pavodziny Vałensy ŭžo ŭ jakaści prezidenta na pačatku 1990-ch. U Polščy, u pryvatnaści, nie była praviedziena žorstkaja lustracyja, a kiraŭniki staroha režymu nie panieśli pakarańnia.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami14
Kamientary