Kiroŭca džypa ŭ Smalavickim rajonie, uciakajučy ad ekipaža DAI, vykinuŭ z aŭtamabila 15 skryniaŭ harełki, paviedamiŭ načalnik pres-słužby UDAI UUS Minabłvykankama Aleh Ciuryn.
«Padčas uciokaŭ ad pieraśledu kiroŭca chacieŭ pazbavicca ad chmielnaha hruzu i vykinuŭ, jak toj kazaŭ, na viecier u ahulnaj kolkaści 15 skryniaŭ pa 20 butelek u kožnaj», — skazaŭ Aleh Ciuryn.
Incydent adbyŭsia ŭ noč z 22 na 23 lutaha. Spačatku ŭvahu DAI pryciahnuŭ džyp, jaki kataŭsia pa palach pablizu trasy M1. Mašyna vyjechała na abočynu šašy i spyniłasia. Kiroŭca pačaŭ niešta tłumačyć supracoŭnikam darožnaj milicyi, a potym niečakana zabłakavaŭ dźviery aŭtamabila i pajechaŭ pa trasie, zatym paviarnuŭ u pole.
Paśla papiaredžańniaŭ inśpiektary adkryli ahoń pa kołach džypa, ale pieraśledvać mašynu pa biezdaražy nie mahli. U vyniku supracoŭniki milicyi prajšli pieššu pa śladach džypa niekalki kiłamietraŭ i znajšli aŭtamabil. «Pa šlachu na ziamli valalisia skryni i butelki z harełkaj rasijskaj vytvorčaści. Aŭtamabil byŭ začynieny, kiroŭcy na miescy nie było», — rastłumačyli ŭ DAI. Praz škło džypa było vidać, što ŭ sałonie stić jašče 7 skryniaŭ z butelkami.
Nieŭzabavie kiroŭca byŭ znojdzieny i dastaŭleny ŭ Smalavicki RAUS. Im akazaŭsia miascovy žychar 1987 hoda naradžeńnia. Aŭtamabil z usim źmieścivam dastaŭleny na štrafplacoŭku. Pravodzicca pravierka.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami11
Kamientary