Arhkamitet budzie dumać da aŭtorka i a 13‑j hadzinie abvieścić svajo rašeńnie.
Udzielnik hetaj sustrečy Juraś Mielaškievič paviedamiŭ «Svabodzie»:
«Ad arhkamitetu «Čarnobylskaha šlachu‑2008», akramia mianie, prysutničali Ŭładzimier Łabkovič, Ihar Rynkievič, Alaksandar Vałčanin i Aleh Šapavałaŭ. Sustreča adbyvałasia ŭ kabinecie načalnika idealahičnaha adździełu Hienadzia Kurbieki.
Jak nam patłumačyli, Mienharvykankam pryniaŭ rašeńnie dazvolić praviadzieńnie «Čarnobylskaha šlachu» 26 krasavika. Ad 14 da 15 hadziny — zbor na placoŭcy la budynku Nacyjanalnaj Akademii navuk. Dalej maršrut pa vulicy Surhanava ŭ napramku da parku Družby narodaŭ (ad 15 da 17 hadziny) i ad 17‑j da 19.00 — mitynh u parku Družby narodaŭ».
Sa słovaŭ Jurasia Mielaškieviča, zaŭtra a 13.00 arhkamitet «Čarnobylskaha šlachu 2008» arhanizuje pres‑kanferencyju dla žurnalistaŭ, kab abviaścić svaju pazycyju adnosna vykanańnia rašeńnia Mienharvykankama.
Surazmoŭca taksama paviedamiŭ, što siońnia ŭ Miensku zatrymany aŭtamabil aktyvista apazycyi Alaksandra Žučkova.
«U aŭtamabili milicyjanty vyjavili ŭlotki da «Čarnobylskaha šlachu». Zatrymanaha dastavili ŭ RUUS Frunzenskaha rajonu», — udakładniŭ Juraś Mielaškievič.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?10
Kamientary