Alaksandr Łukašenka zaćvierdziŭ hranična dapuščalnyja ceny (taryfy) u 2016 hodzie na 14 vidaŭ žyllova-kamunalnych pasłuh.
Adpaviedny ŭkaz №107 «Ab apłacie žyllova-kamunalnych pasłuh, što akazvajucca nasielnictvu» Alaksandr Łukašenka padpisaŭ 23 sakavika, paviedamili ŭ pres-słužbie kiraŭnika dziaržavy.
Ukaz praduhledžvaje źmienu šaści taryfaŭ na žyllova-kamunalnyja pasłuhi.
U metach źnižeńnia finansavaj nahruzki dla nasielnictva ukazam pamianšajucca taryfy na pasłuhi vodazabieśpiačeńnia ŭ 1,7 razu (z Br4765,9 da Br2790 za 1 kub.m), vodaadviadzieńnia — bolš čym u 2,2 razu (z Br4148,8 da Br1863 za 1 kub.m).
Akramia taho, ustanaŭlivajecca hraničny taryf na pasłuhu pa techničnym absłuhoŭvańni zaporna-pieramoŭnych pryład (kodavyja dźviery, damafony i inšyja) žyłoha doma ŭ pamiery Br9100 na adnu kvateru (raniej jon nie byŭ ustalavany).
Pałažeńniami dakumienta źmianiajucca padychody da naličeńnia płaty za techničnaje absłuhoŭvańnie lifta, sanitarnaje ŭtrymańnie (uborku) dapamožnych pamiaškańniaŭ žyłoha doma, elektraenierhiju na aśviatleńnie miescaŭ ahulnaha karystańnia, pracu dapamožnaha abstalavańnia ŭ zaležnaści ad kolkaści pražyvajučych u kvatery hramadzian.
U metach bolš abjektyŭnaha vyznačeńnia płaty za pasłuhi, košt jakich raźličvajecca zychodziačy z kolkaści pražyvajučych u kvatery hramadzian, va ŭkazie ŭstanoŭlena norma, jakaja praduhledžvaje spahnańnie płaty za karystańnie liftam i ŭborku dapamožnych pamiaškańniaŭ z žycharoŭ, jakija majuć žyłyja pamiaškańni kamiercyjnaha vykarystańnia i pryvatnaha žyllovaha fondu pa dahavoru najmu.
Ukaz ustupaje ŭ siłu z dnia padpisańnia i raspaŭsiudžvaje svajo dziejańnie na adnosiny, jakija ŭźnikli z 1 studzienia 2016 hoda.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary