Kiraŭnik krainy raźličvaje na dalejšy rost prafiesijanalizmu parłamienta.
Pra heta kiraŭnik dziaržavy zajaviŭ siońnia na sustrečy sa staršynioj Pałaty pradstaŭnikoŭ Nacyjanalnaha schodu Uładzimiram Andrejčankam.
U 2016 hodzie ŭ krainie pavinny adbycca parłamienckija vybary. Kiraŭnik krainy źviarnuŭ uvahu, što deputaty ciapierašniaha sklikańnia pavinny ŭziać aktyŭny ŭdzieł u padrychtoŭcy da budučaj vybarčaj kampanii.
Na dumku kiraŭnika dziaržavy, nieabchodna ŭzmacnić pracu ŭ akruhach z nasielnictvam, akazać miascovym uładam dadatkovuju dapamohu ŭ vyrašeńni rehijanalnych prablem. Takija miery pavinny paspryjać tamu, kab u novy parłamient pryjšli aktyŭnyja, padrychtavanyja ludzi, jakija zmohuć vyrašać prablemy sacyjalna-ekanamičnaha raźvićcia krainy.
Alaksandr Łukašenka adznačyŭ, što hetaja praca na dziaržavu i ŭ dadzienym vypadku niama patreby «hulać u niejkuju niezrazumiełuju demakratyju».
«Adkaznaść naša vielmi vysokaja, bo nas abiraje narod. Jon bačyć nas pierš za ŭsio», — padkreśliŭ jon.
Alaksandr Łukašenka vykazaŭ zadavalnieńnie pracaj parłamientaryjaŭ hetaha sklikańnia. Razam z tym jon dadaŭ, što budzie rabić usio dla taho, kab u parłamient abiralisia jašče bolš prafiesijnyja deputaty.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary