Navukoŭcy z Račestarskaha ŭniviersiteta vyznačyli bijachimičny miechanizm, jaki adkazvaje za vydzialeńnie arhanizmam sakretaŭ nakštałt śliny, śloz abo straŭnikavych sokaŭ. Adkryćcio dazvolić vyśvietlić, čamu ŭźnikajuć parušeńni vydzialeńnia ślizistych rečyvaŭ i jak lačyć takija surjoznyja zachvorvańni, jak sindrom Šehrena. Daśledavańnie apublikavana ŭ časopisie Science Signaling. Pres-reliz — na sajcie EurekAlert!
Klučavym kampanientam sakrecyi cialesnych vadkaściaŭ źjaŭlajecca kalcyj, jaki prysutničaje va ŭsich kletkach arhanizma. Pavieličeńnie kancentracyi kalcyju ŭnutry kletki da peŭnaha ŭzroŭniu pryvodzić da adkryćcia malekularnych kanałaŭ, nieabchodnych dla sintezu i vydzialeńnia sakretaŭ. Pry sindromie Šehrena kalcyju niedastatkova, i chvoryja pakutujuć na suchaść u rocie, adčuvajuć ciažkaści pry hłytańni i žavańni.
Dla taho kab iony kalcyju pastupali ŭ kletku, nieabchodna adkryć kalcyjevyja kanały. Za heta adkazvaje białok pad nazvaj IP3-receptar. Viadoma, što jon składajecca z čatyroch identyčnych subčastak, adnak navukoŭcy nie viedali, kolki mienavita subčastak patrebna, kab kanał pačaŭ dziejničać.
Vykarystoŭvajučy mietady redahavańnia hienaŭ i malekularnaj inžynieryi, daśledčyki vyjavili, što dla pravilnaj pracy kanałaŭ i vyłučeńnia sakretaŭ nieabchodnyja ŭsie čatyry častki IP3-receptara. Navukoŭcy ličać, što heta nieabchodna dla zachavańnia strohich umoŭ, kab paźbiahać praźmiernaści ionaŭ kalcyju, bo apošniaje moža pryvodzić da hibieli kletki. Kali b mienšaj kolkaści subčastak było dastatkova dla adkryćcia kanała, dyk heta mahło być pryčynaj jašče bolš surjoznych rasstrojstvaŭ.
«My spadziajomsia, što jak maha lepšaje razumieńnie miechanizmaŭ kantrolu za ionami kalcyju spryjaje raspracoŭcy novych mietadaŭ lačeńnia šmatlikich zachvorvańniaŭ, u tym liku sindromu Šehrena», — adznačyŭ Devid Juł (David Yule), adzin z aŭtaraŭ daśledavańnia. U naš čas nie isnuje efiektyŭnych mietadaŭ lačeńnia chvaroby Šehrena, jakaja moža vyklikać infiekcyi rota, a taksama vypadzieńnie zuboŭ, pankreatyt i inšyja ciažkija nastupstvy.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami2
Kamientary