Francuzskaja kampanija Zapata Racing, viadomaja raspracoŭkaj vodnaha fłajborda, vyprabavała całkam aŭtanomnuju viersiju latučaj doški.
Pra heta paviedamlaje N+1 sa spasyłkaj na Gizmag.
Reaktyŭny chovierbord (džetbord) pad nazvaj Flyboard UFO piłatujecca stojačy. Latalny aparat abstalavany kampaktnym reaktyŭnym ruchavikom, moža padymacca na vyšyniu da troch kiłamietraŭ i raźvivać chutkaść da 150 km/h. Zapasu paliva chapaje na 10 chvilin bieśpierapynnaha palotu. U apublikavanym videa piłot apisvaje niekalki kołaŭ nad vadoj i pryziamlajecca. Usiaho pieršy palot doŭžyŭsia 3 chviliny 55 siekund.
Pa słovach pradstaŭnikoŭ kampanii, džetbord UFO usio jašče znachodzicca ŭ stadyi raspracoŭki. U apublikavanym demanstracyjnym videa źniaty pracujučy pratatyp, i zapusk sieryjnaj vytvorčaści nie zapłanavany na 2016 hod.
Jak adznačaje vydańnie, raniej pad markaj Flyboard vypuskalisia spartyŭnyja snarady dla fłajbordynhu — ekstremalny sport, u jakim fłajbord macujecca da noh spartsmiena i padymaje čałavieka za košt reaktyŭnaj siły patoku vady, nahniatanaha asobnaj pompaj.
Da niadaŭniaha času piersanalnych reaktyŭnych latalnych aparataŭ, jakija vypuskajucca sieryjna, praktyčna nie isnavała, adnak u 2015 hodzie adrazu dźvie kampanii paviedamili pra namier naładzić sieryjny vypusk džetpakaŭ. Spačatku ab zapusku sieryjnaj vytvorčaści džetpakaŭ zajaviła kampanija Martin Aircraft, ab vyprabavańni kamiercyjnaj madeli reaktyŭnaha ranca paviedamiła kampanija JetPack Aviation.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary