Ministr adukacyi zadavoleny vynikami CT-2016: «Abituryjenty pierastali spadziavacca na cud»
Minadukacyi praciahvaje padvodzić vyniki CT. Kiraŭnik viedamstva Michaił Žuraŭkoŭ u cełym imi zadavoleny. Pavodle jaho słoŭ, abituryjenty pryvykli da takoj formy ŭstupnych vyprabavańniaŭ i pierastali ličyć, što testy možna zdać biez padrychtoŭki. Takoje mierkavańnie ministr vykazaŭ žurnalistam 30 červienia ŭ parłamiencie.
Dla Michaiła Žuraŭkova niavažnyja takija kryteryi, jak kolkaść 100-balnikaŭ abo abituryjentaŭ, jakija nie nabrali ni adnaho bała. Jon upeŭnieny, što kožny hod na CT buduć «vypadkovyja ludzi». Ministr sočyć za tym, jakija bały nabiraje asnoŭnaja masa abituryjentaŭ.
Žuraŭkova «natchniaje i raduje» toj fakt, što sioleta pavialičyłasia kolkaść abituryjentaŭ, jakija zdali CT u dyjapazonie ad 30 da 60 bałaŭ.
«Možna kanstatavać, što abituryjenty, pa-pieršaje, pryvykli da takoj formy zdačy. Pa-druhoje, pierastali spadziavacca na cud i kazać, što CT možna zdać nie rychtujučysia», — ličyć čynoŭnik.
Jon padkreśliŭ, što sioleta pa ŭsich pradmietach stała bolš zadańniaŭ, u jakich rašeńnie treba było abhruntavać, a nie prosta pastavić «hałačku». Heta źnižaje faktar vypadkovaj zdahadki.
«Chaču padkreślić, što nielha paraŭnoŭvać bały pa testavańni z acenkami ŭ atestatach. Usio ž taki CT — heta svojeasablivaje ranžyravańnie. Mierkavańnie, što 20-30 bałaŭ pa CT — heta jak dvojka abo trojka ŭ škole, absalutna niepravamiernaje. Usio zaležyć ad składanaści zadač i ahulnaj kolkaści abituryjentaŭ, jakija rašajuć tyja ci inšyja zadačy», — patłumačyŭ Žuraŭkoŭ.
Vynikami centralizavanaha testavańnia -0 2016 jon u cełym zadavoleny: «Sioleta surjoznych narakańniaŭ nie pastupiła ni ad adnaho rehijonu».
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary