Uładalnik kampanii «Sohra Overseas», jakaja niadaŭna stała partnioram bresckaha «Dynama», Pol Daer raspavioŭ pra cikavaść da kamandy.
— Pa Breście ŭžo daŭno chodziać čutki pra toje, što ŭ «Dynama-Brest» pryjšli šejchi…
— Maja siamja karaniami ź Livana, užo daŭno žyviom u Emiratach. Naša siamja nosić tytuł šejchaŭ. Heta praŭda. Ja čaćviorty ź piaci synoŭ.
— I jak šejch spyniŭ svoj pohlad na Breście?
— Ja razmaŭlaŭ z adnym ź minarytarnych uładalnikaŭ «Mančester Sici», u jakoha ŭ Biełarusi jość biznes-intaresy, i jon parekamiendavaŭ źviarnuć uvahu na «Dynama-Brest» jašče ŭ lutym. Na toj momant my zaviaršali ŭhodu ab kupli dubajskoj kampanii SOHRA Overseas. Ale my chvarejem futbołam, i jak tolki ŭładzili jurydyčnyja pytańni, adrazu prystupili da pieramovaŭ z Brestam.
— Ci nie biantežyć, što kamanda ciapier znachodzicca ŭnizie turnirnaj tablicy?
— 13-je miesca? Nie biantežyć. Lepš kuplać aktyŭ na dnie rynku i raźvivać jaho.
— Brest paśpieli pahladzieć?
- Tolki spartyŭnyja abjekty. Paśpiejem jašče. Naš mieniedžar Ranija Al-Takan była ŭ Breście na dniach, vielmi šmat haspadarčych pytańniaŭ…
— I čym ciapier davodzicca zajmacca?
— Vyrašana ŭžo davoli šmat: nabyli mikraaŭtobus, jaki ŭžo kalasić pa horadzie z łahatypam «Dynama-Brest», zakupleny spartyŭny invientar, pačałasia praca pa futbolnaj Akademii, farbavali kłubny aŭtobus…
— Čaho čakać u bližejšy čas?
— Uvieś skład kłuba, uklučajučy trenierski štab i administracyju, pačnie zajmacca anhlijskaj movaj — u naš čas vielmi važna vałodać zamiežnymi movami. Spadziajusia, paśpiejem, i futbalisty vyjduć na pole ŭ novaj formie. Čaho čakać? Usiaho dobraha!
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary