30 traŭnia z 11.00 da 12.00 u Słonimie budzie ładzicca «pramaja linija» ź pieršym namieśnikam staršyni Kamitetu dziaržkantrolu vobłaści Vasilom Birukovym. Vy možacie pazvanić pa telefonie (01562) 4-62-87 i zadać čynoŭniku pytańnie datyčnaje prablem «Haziety Słonimskaj». Faktyčna, pastaŭlena zadača zadušyć hazetu da kanca červienia.
31 traŭnia hazetu vysialajuć z pamiaškańnia, jakoje jana zajmała na praciahu 7 hadoŭ. Spadzievy žurnalistaŭ na toje, što prablemu ŭdasca vyrašyć, nie apraŭdvajucca — kiraŭnik słonimskaha kambinata bytavoha absłuhoŭvańnia Stanisłaŭ Ivanaška ŭ telefonnaj razmovie z hałoŭnym redaktaram vydańnia Viktaram Vaładaščukom skazaŭ zabrać akt ab pieradačy pamiaškańnia. I kali jašče 28 traŭnia spadar Ivanaška davaŭ zhodu praciahnuć arendu na adzin miesiac, to 29 traŭnia jon skasavaŭ usie damoŭlenaści.
25 červienia ŭ hazety zakančvajecca licenzija na razdrobny handal, i ŭ redakcyi jość usie padstavy apasacca, što jaje nie praciahnuć. Supracoŭniki hazety žyvuć pad pastajannym presinham z boku raznastajnych orhanaŭ — ad vajenkamatu da KDB.
Tolki šyroki rozhałas moža dać nadzieju na ŭratavańnie hazety, jakuju, upeŭnienyja ŭ redakcyi, «vyrašyli zabić».
Tamu nadyšoŭ čas zajavić pra našu salidarnaść z kalehami, -- zajaŭlajuć u BAŽ. Adzin z mahčymych sposabaŭ heta zrabić — nakiravać listy adkaznym asobam Słonimskaha rehijonu, rašeńni jakich mohuć paŭpłyvać na los vydańnia.
30 traŭnia z 11.00 da 12.00 u Słonimie budzie ładzicca “pramaja linija” ź pieršym namieśnikam staršyni Kamiteta dziaržkantrolu Homielskaj vobłaści Vasilom Birukovym. Vy možacie pazvanić pa telefonie (01562)4-62-87 i zadać čynoŭniku pytańnie datyčnaje prablem “Haziety Słonimskaj”.
Paštovy adras redakcyi (pakul jašče): 231800, Słonim, vuł. Kamsamolskaja, d. 8.
Bolš aperatyŭna možna źviazacca sa słonimskimi kalehami pa telefonach (01562) 2-14-39 i 8-029-133-04-21, pa elektronnaj pošcie albo praz forum na sajcie «HS»: http://forum.gs.by/
***
«Haziecie Słonimskaj» praciahnuli arendu na dva tydni
Rasparadžeńnie addaŭ namieśnik staršyni Słonimskaha rajvykankamu Viačasłaŭ Apanovič. Hazetu mielisia vysialić z pamiaškańnia 31 traŭnia.
Akramia hetaha, sa słoŭ redaktara hazety Viktara Vaładaščuka, praciahnuta i licenzija na roźničny handal, termin jakoj skančajecca taksama 1 červienia.
— Dla redakcyi heta vielmi važna, — zaznačyŭ Viktar Vaładaščuk, — pakolki ŭžo na praciahu dvuch hadoŭ hazeta nia ŭklučana ŭ kataloh padpiski «Biełpošty» i nie pradajecca ŭ šapikach «Biełsajuzdruku», bo damovu nie praciahnuli.
Tym nia mienš u redakcyi siońnia davoli cicha j panura. Namieśnik redaktara Siarhiej Čyhryn źbiraje rečy sa svajho kabineta, karespandentka, Volha Šynkievič, vybiraje vadu z akvaryjuma, źbiraje słoŭniki karespandent Mikoła Kananovič. Tolki Vital Jemialjanaŭ praciahvaje viorstku nastupnaha numara hazety.
Kabinet redaktara naahuł pusty, Viktar Vaładaščuk šukaje novaje pamiaškańnie. Siońnia supracoŭniki redakcyi byli na pryjomie ŭ pieršaha namieśnika staršyni Kamitetu dziaržkantrolu pa Haradzienskaj vobłaści Vasila Birukova.
Sa słoŭ karespandenta Mikoły Kananoviča, Vasil Birukoŭ adkazaŭ, što nia viedaje hetaj prablemy, ale pryznaŭsia, što niekalki telefonnych zvankoŭ ad žycharoŭ Słonima da jaho było z padobnym pytańniem. Abiacaŭ dać piśmovy adkaz.
Razam V.Birukovym u kabinecie siadzieli staršynia rajvykankamu Miečysłaŭ Kaściuk i jahony namieśnik Viačasłaŭ Apanovič, jakija, sa słoŭ Kananoviča, ničoha nie dadali da adkazu, a tolki siadzieli, unuryŭšy hałovy.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary