15 žniŭnia: za kaho zaŭzieć biełarusam na Alimpijadzie ŭ Rya RASKŁAD
15 žniŭnia na Hulniach u Rya-de-Žaniejra buduć razyhrany 17 kamplektaŭ miedaloŭ. Praciahvajuć baraćbu za ŭznaharody i biełaruskija spartsmieny
Siońnia adbuducca ŭ tym liku papiarednija i paŭfinalnyja zajezdy žanočych dvojek-bajdarak na 500 m.
Biełaruski ekipaž budzie pradstaŭleny Nadziejaj Lapieška i Marynaj Litvinčuk. Papiarednija zajezdy zapłanavany na 15.24 pa minskim časie, paŭfinalnyja — na 16.46. Darečy, u kancy červienia na čempijanacie Jeŭropy Nadzieja Lapieška i Maryna Litvinčuk ŭ alimpijskaj dyscyplinie zavajavali bronzu.
Na Alimpijskim stadyjonie imia Žoaa Aviełanža biełaruskija lohkaatlety vystupiać siońnia ŭ troch dyscyplinach. U kvalifikacyi trajnoha skačku ŭ mužčyn na start vyjduć Maksim Nieściarenka, Dźmitryj Płatnicki i Arciom Bandarenka. Pačatak spabornictvaŭ u 15.30.
U finale spabornictvaŭ siarod kidalnic mołata vystupić 22-hadovaja biełaruska Hanna Małyščyk, u kvalifikacyi z vynikam 71,12 m zaniała 7-je miesca. Pačatak finału ŭ 16.40.
U papiarednich zabiehach na 400 m z barjerami vystupić biełaruska Kaciaryna Biełanovič. Jana vyjdzie na start u noč na 16 žniŭnia, u 3.30 pa minskim časie.
Adzinaja pradstaŭnica Biełarusi ŭ trekavych viełahonkach Taćciana Šarakova vystupić u omniŭmie. Heta najskładany vyhlad, jaki patrabuje ad spartsmienak univiersalizmu, jon uklučaje ŭ siabie šeść dyscyplin, jakija pravodziacca ŭ nastupnym paradku: koła z chodu (na čas), honka pa bałach, honka z vybyvańniem, indyvidualnaja honka pieraśledu, skretč, hit ź miesca. Siońnia viełahonščyca majucca być try z hetych šaści vyprabavańniaŭ, pačatak spabornictvaŭ u 16.59 pa minskim časie.
U alimpijskich spabornictvach pa hreka-rymskaj baraćbie na start vyjdzie druhi pradstaŭnik našaj krainy. Paśla ŭčorašniaha vyletu Sasłana Daŭrava ŭ startavym pajadynku za honar Biełarusi pastaić uradženiec dahiestanskaha Kizilurta, bronzavy pryzior čempijanatu śvietu 2013 hoda Džavid Hamzataŭ, jaki vystupić u vahavoj katehoryi da 85 kh. Jaho apanientam u 1/8 finału stanie kitajec Fiej Pien, pačatak startavaj sutyčki ŭ 16.00.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami13
Kamientary