12 śniežnia ŭ mienskim klubie «Hraj» partał Tuzin.fm spravić 13-hodździe i ŭručyć premiju «Hieroi hodu» za 2016-ty.
Uznaharody tradycyjna ŭručajucca ŭ dźviuch hałoŭnych naminacyjach — «Adkryćcio hodu» i «Hieroi hodu» — najlepšy biełaruski hurt/vykanaŭca ŭ 2016-m. Pieramožcy abviaščajucca štohod u adzin i toj ža dzień, jaki ličycca symbaličnym dniom narodzinaŭ našaha partału — 12.12.
U roznyja hady pieramožcami stanavilisia ZET, N.R.M., rok-paet Michał Aniempadystaŭ, Palina Respublika, «Lapis Trubiacki», Akute, Hurma, Re1ikt, Leibonik, Dzieciuki dy inšyja. Letaś uznaharody atrymali Pauline i «Krambambula». Uručeńnie premii supravadžajecca kancertam naminantaŭ (pieramožcaŭ) premii.
Sioleta cyrymonija projdzie ŭ mienskim klubie «Hraj», što mieścicca adrazu za Pałacam Respubliki, na vulicy Internacyjanalnaja, 33. Pakul redakcyja składaje šort-list premii, pieršaja partyja z 20 kvitkoŭ užo źjaviłasia ŭ prodažy pa 8 rub. Pastupova košt na ŭvachod budzie padvyšacca.
NABYĆ KVITOK
12.12.2016. 19:00. Kafe-klub «Hraj» (vuł.Internacyjanalnaja, 33). Premija «Hieroi hodu-2016». Uvachod — 8 rub. (pieršyja 20), 12 rub. (papiarednie), 15 rub. (u dzień). Daviedki pa teł.+375 29 687-20-93.
Kamientary