Trahiedyja adbyłasia padčas raśpićcia śpirtnych napojaŭ, i toj brat, što ŭziaŭ hrech na dušu, pasprabavaŭ pierakłaści adkaznaść ź siabie na nieviadomaha, jaki, pavodle jaho viersii, i adpraviŭ na toj śviet niaščasnaha piensijaniera, paviedamlaje UUS Hrodzienskaha abłvykankama.
Načalnik Zelvienskaha RAUS padpałkoŭnik milicyi Valeryj Parfienčyk raspavioŭ, što braty 1947-ho i 1956-ha hh. naradžeńnia, abodva piensijaniery, žyli ŭ Zelvie, kožny sa svajoju siamjoj. Na dniach vyrašyli papracavać na chutary pablizu vioski Biazvodnaje, jaki atrymali ŭ spadčynu ad baćkoŭ. Z saboj uziali ŭsio nieabchodnaje.
Viečaram sieli za stoł i pačali raśpivać śpirtnyja napoi. Pasvarylisia, i ŭ chodzie kanfliktu starejšy z bratoŭ dva razy stuknuŭ małodšaha brata pa hałavie.
Paciarpieły pamior na miescy. Zabojca pabieh u susiedniuju viosku i adtul patelefanavaŭ žoncy, paviedamiŭ, što nieviadomy zabiŭ brata i vykraŭ mabilnik, kab nichto svoječasova nie zmoh vyklikać milicyju.
Na padstavie atrymanaj infarmacyi byli praviedzieny adpaviednyja apieratyŭna-vyšukovyja mierapryjemstvy, padčas jakich viersija nie paćvierdziłasia. Ślady inšych ludziej u rajonie chutara vyjaŭlenyja nie byli. K viečaru na nastupny dzień mužčyna pryznaŭsia ŭ tym, što ździejśniŭ.
Pa artykule «zabojstva» raspačata kryminalnaja sprava.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju3
Kamientary