Usie palikliniki Minska pačali vydavać elektronnyja recepty, paviedamiła namieśnik načalnika hałoŭnaha ŭpraŭleńnia — načalnik adździeła pieršasnaj miedycynskaj dapamohi Ministerstva achovy zdaroŭja Ludmiła Žylevič.
«U Minsku siońnia 100 pracentaŭ paliklinik zabiaśpiečvajuć vydaču elektronnych receptaŭ. Mnohija pacyjenty atrymali płastykavuju kartku dla miedycynskaha absłuhoŭvańnia, jakaja źjaŭlajecca važnym elemientam technałohii abaračeńnia elektronnych receptaŭ. Palikliniki iduć ź inicyjatyvaj da pacyjenta, kab tyja skarystalisia hetaj pasłuhaj», — skazała Ludmiła Žylevič.
U abłaściach da elektronnaha recepta dałučylisia 28 paliklinik. U dalejšym palikliničnyja ŭstanovy buduć paetapna dałučacca da sistemy elektronnaha recepta pa miery ich infarmatyzacyi. «Viadziecca płanavaja rabota, jakaja datyčycca techničnaha boku ŭkaranieńnia elektronnaha recepta. Płanujecca, što poŭnaja infarmatyzacyja paliklinik budzie zavieršana da 2020 hoda», — adznačyła namieśnik načalnika hałoŭnaha ŭpraŭleńnia.
Vydača płastykavaj kartki ažyćciaŭlajecca ŭ rehistratury paliklinik pa miescy absłuhoŭvańnia. Dla jaje atrymańnia nieabchodna pry sabie mieć pašpart, a taksama padpisać formu infarmavanaj zhody pacyjenta ab vykarystańni płastykavaj kartki dla miedycynskaha absłuhoŭvańnia. Kartka źjaŭlajecca ŭłasnaściu palikliniki i pieradajecca pacyjentu na biazvypłatnaj asnovie. Ukaranieńnie sistemy «Elektronny recept» zabiaśpiečyć aptymizacyju absłuhoŭvańnia nasielnictva ŭ paliklinikach i aptekach horada.
U cełym stratehija raźvićcia infarmacyjnaha hramadstva da 2022 hoda praduhledžvaje, što da 2020 hoda dola miedycynskaj dakumientacyi, pradstaŭlenaj u elektronnym vyhladzie, pavinna dasiahnuć 100 pracentaŭ, dola arhanizacyj achovy zdaroŭja, padklučanych da adzinaj karparatyŭnaj sietki arhanizacyj achovy zdaroŭja, - 100 pracentaŭ. Dla realizacyi hetych zadač zaćvierdžana dziaržaŭnaja prahrama «Zdaroŭje naroda i demahrafičnaja biaśpieka Respubliki Biełaruś» na 2016-2020 hady. Padprahramaj «Zabieśpiačeńnie funkcyjanavańnia sistemy achovy zdaroŭja Respubliki Biełaruś» praduhledžana vykanańnie mierapryjemstvaŭ pa infarmatyzacyi arhanizacyj achovy zdaroŭja.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary