Chto hety chłopiec, jaki skača z dachaŭ u basiejny, i čamu jon bolš nie budzie hetaha rabić

Užo jak paŭhoda internet ablatajuć videa, dzie nieviadomy chłopiec skača sa skał i dachaŭ hatelaŭ u vadu. Jahonyja truki źbirajuć miljony prahladaŭ na YouTube. Voś, naprykład, adzin z samych pieršych rolikaŭ na jahonym kanale «xo 8Booth», jaki vy dakładna bačyli dzieści ŭ internecie:

«Naša Niva» raspaviadaje vam usio, što pra jaho viadoma. 

Chto heta?

Pavialičyć

«8Booth» pracuje ananimna, bo pranikaje ŭ budynki hatelaŭ i žyłych damoŭ nielehalna. Tamu letaś palicyja zaniałasia chłopcam i vystaviła abvinavačvańnie ŭ niesankcyjanavanych praniknieńniach u žyllo i ŭvarvańniach z namieram pieraškodzić čužym spravam. Ekstremałam akazaŭsia 28-hadovy žychar Kalifornii, a jaho sapraŭdnaje imia — Entani Armier.

Što jon robić?

Skača z dachaŭ budynkaŭ u vadu. Ekstremał šukaje ciažka dastupnyja miescy, jakija znachodziacca pobač z basiejnami, i sprabuje skoknuć z 5-6 paviercha, kab pryziamlicca ŭ vadu. Adnojčy «8Booth» pasprabavaŭ skoknuć sa skały, što ledź nie skončyłasia trahična dla samoha chłopca. Voś hetaje videa:

Navošta jamu heta treba?

Prafiesijnyja skakuny adznačajuć, što truki, vykananyja «8Booth», zroblenyja absalutna nieprafiesijna. Zrazumieła, što, kali hetyja roliki traplajuć na YouTube, Entani choča takim čynam zdabyć papularnaść. Za dva hady na kanał padpisalisia 200 tysiač čałaviek, a ŭsie jahonyja videa ahułam majuć 27 miljonaŭ prahladaŭ. Niekatoryja amierykanskija ŚMI zajaŭlali, što «8Booth» zaklučaje pary na hrošy, jakija paśla addaje na dabračynnaść. Ale sam ekstremał aficyjna pra heta nikoli nie zajaŭlaŭ.

Čamu jon bolš nie budzie hetaha rabić?

Bo apošni skačok kaštavaŭ ekstremału dźviuch pałamanych noh.

Pavialičyć

U kalifarnijskim horadzie Łahuna-Bič śmialčak zabraŭsia na dach hatela Pacific Edge i nie raźličyŭ trajektoryju. Dla vykanańnia hetaha truka jamu treba było skoknuć na 5-6 mietraŭ u daŭžyniu. Na jahonym kanale źjaviłasia videa niaŭdałaha padzieńnia:

Na videa vidać, što Entani nie chapiła litaralna niekalkich mietraŭ, kab paśpiachova pryziamlicca ŭ vadu. U vyniku ekstremał atrymaŭ šmatlikija pierałomy abiedźviuch noh. Ciapier jon źbiraje hrošy na lačeńnie. Kab pakryć vydatki, jamu treba sabrać 22 tysiačy dalaraŭ.

Na poŭnuju reabilitacyju spatrebicca niekalki hod, psichałahična skakać nieprafiesijna dalej budzie ciažej, a lubyja nastupnyja traŭmy noh mohuć być fatalnymi dla ekstremała.

Chacia sam Entani ŭ svaim zvarocie zajaviŭ: «Prosta šukaju padtrymki, kab praciahvać rabić toje, što ja rablu, inakš ja budu pracavać da kanca svajho žyćcia, kab apłacić hetyja rachunki».

• 0
• 0
• 0
• 0
• 0
• 0
• 0
• 0