Važaki pratestu ŭ Homieli zajavili, što, kali ŭrad nie admienić dekreta, to na Dzień Voli 25 sakavika budzie arhanizavana ŭsierespublikanskaja akcyja pratestu.
Niekalki tysiač čałaviek vyjšli ŭ Homieli na marš pratestu suprać ekanamičnaj palityki Alaksandra Łukašenki i Dekretu №3.
Demanstranty nieśli nacyjanalnyja bieł-čyrvona-biełyja ściahi, skandavali «Žyvie Biełaruś!».
Homielski pravaabaronca Leanid Sudalenka apublikavaŭ u svaim fejsbuku fota z maršu:
«Naša Niva» — bastyjon biełaruščyny
PADTRYMAĆ
Schod pačaŭsia na płoščy Paŭstańnia, vialikaja kałona prajšła pa vulicy Savieckaj da płoščy Lenina.
Hučali palityčnyja łozunhi, łozunhi suprać padatkaŭ na «darmajedstva».
«Nie dekretu numar try! Łukašenka, uchadzi» stała papularnaj kryčałkaj.
Na homielski marš, jak i na minski, vyjšli ludzi roznych uzrostaŭ i roznych sacyjalnych statusaŭ.
Čytajcie taksama: U Minsku niekalki tysiač čałaviek vyjšli na Marš aburanych biełarusaŭ
Kałona raściahnułasia na sotni mietraŭ, aŭtamabili vitali ŭdzielnikaŭ šeścia praciahłymi hukavymi sihnałami.
Milicyja praviadzieńniu šeścia nie zaminała.
Ludzi narakajuć, što ŭ horadzie brakuje raboty, uładkavacca niama jak.
«A što dalej, pryhonnaje prava?» — aburajucca ŭdzielniki. Bolšaść ź ich pryjšli na akcyju pratestu ŭpieršyniu.
Andrej Dyńko: Heta nie pratest suprać adnaho dekreta, heta pratest suprać ekanamičnaj palityki
Žyvaja tranślacyja «Radyjo Svaboda»:
Videaanłajn Biełsata:
Anałahičnyja akcyi siońnia zapłanavanyja i ŭ inšych bujnych haradach krainy. U Viciebsku vyjšła mienš za sto čałaviek. A voś u Mahilovie — niekalki socień:
U Hrodnie i Breście vyjšli kala sta čałaviek.
U sacyjalnych sietkach horača abmiarkoŭvajuć homielski Marš.
Apytanka
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?3
Kamientary