U Breście pjanaja kiroŭca zasnuła na plačy ŭ inśpiektara, pakul na jaje składali pratakoł
U centry Bresta inśpiektary zatrymali vielmi pjanuju žančynu za rulom «Reno». Pra heta paviedamili ŭ DAI rehijona.
Incydent adbyŭsia 1 maja, kala 23.20, na skryžavańni vulicy Savieckaj i praśpiekta Mašerava. Uvaha inśpiektaraŭ pryciahnuŭ «Reno Sandera», kiroŭca jakoha niaŭpeŭniena ažyćciaŭlaŭ pavarot. Supracoŭniki DAI spynili aŭtamabil.
Za rulom mašyny znachodziłasia 30-hadovaja bieraściejka. Pa źniešnich prykmietach žančyna była mocna pjanaja. Paźniej heta paćvierdziła i miedaśviedčańnie — 2,5 pramile ałkaholu.
- Padčas afarmleńnia administracyjnaha materyjału žančyna zusim rassłabiłasia i zasnuła na plačy ŭ inśpiektara. Pavodle jaje słoŭ, za niekalki hadzin da zatrymańnia jana vypiła vina, - skazali ŭ DAI.
Na parušalnicu skłali administracyjny pratakoł pa č. 1 art. 18.16 KaAP Biełarusi, aŭtamabil dastavili na štrafstajanku.
U DAI adznačyli, što za try hady vadzicielskaha stažu ŭ žančyny nie było nivodnaha parušeńnia PDR.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary