Siońnia jaho paplečniki ładziać «Vialiki subotnik».
U Maskvie 8 lipienia zatrymany 31 vałancior maskoŭskaha štaba Alaksieja Navalnaha, jakija ŭdzielničali ŭ razdačy ahitacyjnych materyjałaŭ. Pra heta «Mieduza» paviedamiŭ kiraŭnik štaba Mikałaj Laskin.
Karespandent «Mieduzy» bačyŭ zatrymańnie dvuch aktyvistaŭ u rajonie «Biblijateki imia Lenina» i jašče adnaho kala «Arbackaj». Pavodle jaho słoŭ, u stancyj mietro ŭ centry horada dziažurać palicejskija broniekamizelkach i stajać aŭtazaki.
8-9 lipienia štaby ŭ padtrymku Alaksieja Navalnaha ŭ rasijskich horada pravodziać ahitacyjnuju kampaniju (tak zvany Vialiki subotnik). U Irkucku byli zatrymanyja čaćviora vałancioraŭ, ich abvinavačvajuć u ahitacyi pa-za ahitacyjnym pieryjadam.
U mnohich haradach palicyja ŭ niekalki dzion pierad akcyjaj kanfiskavała ŭ aktyvistaŭ ahitacyjnyja materyjały. U šerahu haradoŭ palicejskija ładzili ŭ štabach pieratrusy z roznych pryčynaŭ, u inšych materyjały kanfiskoŭvalisia ŭ adździaleńniach transpartnaj kampanii, pasłuhami jakoj skarystaŭsia štab Navalnaha dla dastaŭki materyjały ŭ rehijony.
Policija siehodnia kak s ciepi sorvałaś. Około nas siejčas tak. pic.twitter.com/bFm5WQ7e2O
***
Apazicyjanier Alaksiej Navalny abviaściŭ pra namier udzielničać u vybarach prezidenta Rasii ŭ 2018 hodzie. U dadzieny momant jon nie moža być zarehistravany kandydatam z-za sudzimaści pa spravie «Kiraŭlesa», adnak Navalny kaža, što maje namier damahčysia svajho ŭdziełu.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju5
Kamientary