U čaćvier, za dzień da pačatku Zimovych Alimpijskich hulniaŭ u paŭdniovakarejskim Pchiončchanie, u stalicy Paŭnočnaj Karei prajšoŭ vajskovy parad.
Raniej na praciahu 40 hadoŭ parad u Pchieńjanie pravodziŭsia 25 krasavika — u hadavinu dnia, kali zasnavalnik dziaržavy Kim Ir Sen arhanizavaŭ svoj pieršy partyzanski atrad u 1932 hodzie.
8 lutaha ŭ krainie ŭžo daŭno adznačałasia hadavina zasnavańnia rehularnaj armii KNDR u 1948 hodzie, ale da hetaha času hety dzień ličyŭsia nie takim značnym śviatam, piša Bi-bi-si.
Pra toje, što parad adbyŭsia, pakul paviedamiła tolki krynica ahienctva Frans-pres va ŭradzie Paŭdniovaj Karei. Aficyjnyja paŭnočnakarejskija orhany nie viali nijakaj tranślacyi; zamiežnych žurnalistaŭ, u adroźnieńnie ad raniejšych hadoŭ, na mierapryjemstva taksama nie zaprašali.
U adkaz na mižnarodnuju krytyku rašeńnia zładzić demanstracyju vajskovaj siły napiaredadni Alimpijady Paŭnočnaja Kareja zajaviła, što heta vyklučna ŭnutranaja sprava krainy i nichto nie maje prava vystupać z abvinavačvańniami.
«Heta tradycyjnaje i asnovatvornaje razumieńnie ab tym, što lubaja kraina ŭ śviecie vielmi surjozna padychodzić da pytańnia stvareńnia svajho vojska i adznačaje hetuju padzieju z pompaj», - napisała hazieta «Nadon sinmun», aficyjny orhan Pracoŭnaj partyi Karei.
Kamientary