Bieraściejec Dzianis Turčaniak, kandydat u deputaty harsavieta i siabra «Ruchu «Za Svabodu», napisaŭ zvarot da staršyni harsavieta. Pa padlikach Turčaniaka, značnaja kolkaść vybarcaŭ padziełasia nieviadoma kudy.
Turčaniak raskazvaje, što paraŭnaŭ sioletniuju statystyku z dadzienymi papiarednich miascovych vybaraŭ. «Vyjaviłasia, što kolkaść vybarcaŭ u Breście ŭ hetu vybarčuju kampaniju pa niezrazumiełych mnie pryčynach źmienšyłasia na 5459 čałaviek», — śćviardžaje Turčaniak.
Jon źviarnuŭsia ŭ Hałoŭnaje statystyčnaje ŭpraŭleńnie pa Bresckaj vobłaści. Tyja adkazali, što ŭ horadzie žyvie 344 tysiačy čałaviek, ź jakich 64 tysiačy uzrostam da 15 hadoŭ.
Taksama nie majuć prava hałasavać asoby uzrostam 16-17 hadoŭ. Ich, pavodle papiarednich padlikaŭ, 8 tysiač čałaviek.
Ahułam musiła naličycca 272 tysiačy patencyjnych vybarcaŭ. Tady jak aficyjna — 224 tysiačy.
«Pa maich padlikach, kolkaść vybarcaŭ u horadzie Breście na 48375 čałaviek (abo na 21,6%) bolš, čym pakazaŭ Brescki harvykankam.
Na maju dumku, pry padrychtoŭcy źviestak ab kolkaści vybarcaŭ mieli miesca niezakonnyja manipulacyi, jakija parušajuć majo prava hałasavać i być abranym na sapraŭdnych svabodnych, tajemnych i adkrytych vybarach, — miarkuje Turčaniak. — Liču, što kolkaść vybarcaŭ zaćvierdžana Bresckim harvykankamam nie dakładna».
U vyniku aktyvist padaŭ zvarot, u jakim patrabavaŭ pravieści pravierku i pradastavić dakładnuju kolkaść vybarcaŭ pa kožnaj akruzie Bresta.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary