Trybunał italjanskaha horada Leče asudziŭ pradprymalnika za falšyvyja ahlady na sajcie dla padarožnikaŭ Tripadvisor, havorycca ŭ paviedamleńni kampanii.
Mužčyna uznačalvaŭ kampaniju PromoSalento, jakaja akazvała «pakietnyja» pasłuhi uładalnikam roznych turystyčnych pradpryjemstvaŭ. Publikacyja ahladaŭ na ich staronkach pavinna była palepšyć ich statystyku i pryciahnuć bolš klijentaŭ. Sud dakazaŭ, što publikacyja falšyvych vodhukaŭ traplaje pad artykuł ab vykarystańni čužoj abo padroblenaj asoby, što ličycca kryminalnym złačynstvam u Italii.
Akramia turemnaha pakarańnia terminam 9 miesiacaŭ, mužčyna pavinien zapłacić štraf u pamiery 8 tysiač jeŭra.
Ułasnaje rasśledavańnie Tripadvisor pačałosia ŭ 2015 hodzie. Pradprymalniki prainfarmavali kampaniju, što da ich pastupili prapanovy ad PromoSalento ab publikacyi płatnych vodhukaŭ na ich staronkach. U chodzie raspačataj pravierki Tripadvisor zabłakavaŭ bolš za tysiaču sprobaŭ raźmiaścić recenzii na staronkach sotni kampanij, jakija stvarali ašukancy. Kampanija padkreślivaje, što vierdykt italjanskaha suda staŭ pieršym u svaim rodzie. «My ličym heta rašeńnie znakavym dla internetu. Napisańnie falšyvych vodhukaŭ zaŭsiody było machlarstvam, ale heta pieršy vypadak, kali my adpravili kahości za heta ŭ turmu», — zajaviŭ vice-prezident kampanii Bred Janh.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary