Były daradca banka SEB, ekanamist Hitanas Naŭsieda paviedamiŭ, što pryniaŭ rašeńnie i stanie kandydatam na vybarach prezidenta Litvy, jakija adbuducca 12 maja 2019 hoda, piša Delfi.lt.
U paniadziełak Naŭsieda vystupiŭ z pramovaj u Vilni, pobač z Centram navuk ab žyćci Vilenskaha ŭniviersiteta.
Pa apytańniach hramadskaj dumki Naŭsieda pakul — lidar rejtynhu kandydataŭ u prezidenty Litvy. Pavodle apošnich źviestak apytańnia, zamoŭlenaha delfi.lt i praviedzienaha kampanijaj Spinter tyrimai, za Naŭsiedu hatovyja hałasavać 19,7% udzielnikaŭ apytańnia, za mera Kaŭnasa Visvaldasa Matyjošajcisa — 14,4%, za premjera Saŭlusa Skviarnialisa — 10,7%. Na čaćviortym miescy — były pasoł ES u Rasii Vihaŭdas Ušackas, a na piatym — kansiervatar Inhryda Šymanicie. 13,9% udzielnikaŭ apytańnia skazali, što nie viedajuć, za kaho hałasavać ci nie płanavali ŭdzielničać u vybarach.
Dala Hrybaŭskajcie adbyła dva terminy na pasadzie prezidenta krainy i nie moža bałatavacca na pasadu. Pierad Hrybaŭskajcie ŭ 1990-ja — pačatku 2000-ch prezidentami Litvy byli: Alhirdas Brazaŭskas, Vałdas Adamkus (dvojčy), Rałandas Paksas, jaki pakinuŭ pasadu ŭ vyniku impičmientu.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny38
Kamientary