U Minsk z rabočym vizitam prybyŭ ministr zamiežnych spraŭ Irana Manučechr Mataki.
Jak paviedamiaje pres‑słužba Ministerstva zamiežnych spraŭ Biełarusi, dypłamat budzie znachodzicca ŭ Minsku 11 i 12 śniežnia. Prahramaj vizitu praduhledžany sustrečy z premjer‑ministram Siarhiejem Sidorskim, staršynioj Pałaty pradstaŭnikoŭ Uładzimiram Andrejčankam, ministram zamiežnych spraŭ Siarhiejem Martynavym, a taksama naviedvańnie zboračnaj vytvorčaści aŭtmabilaŭ «Samand» i ZAT «TK Bank», stvoranych z udziełam iranskaha kapitału.
10 śniežnia staršynia Savieta Respubliki Barys Batura na sustrečy z nadzvyčajnym i paŭnamocnym pasłom Irana ŭ Minsku Siejedam Abdałoj Chasiejni zajaviŭ, što heta kraina źjaŭlajecca «klučavym partnioram Biełarusi na Blizkim Uschodzie».
Dypłamat zaznačyŭ, što ŭ Biełarusi i Irana «vydatnyja palityčnyja adnosiny».«Adnak ekanamičnyja adnosiny, choć jany taksama niadrennyja, nie adpaviadajuć uzroŭniu palityčnych suviaziej. Nieabchodna aktyvizavać uvieś patencyjał našaha supracoŭnictva. Parłamienty pavinny adyhryvać u hetym istotnuju rolu», — skazaŭ pasoł.
U studzieni—kastryčniku 2008 hoda tavaraabarot pamiž Biełaruśsiu i Iranam skłaŭ 83,9 młn. dołaraŭ ZŠA (134,1% u paraŭnańni z anałahičnym pieryjadam 2007 hoda), biełaruski ekspart — 76,1 młn. dołaraŭ (139,7%), impart — 7,8 młn. dołaraŭ (96,4 %). Asnoŭnyja artykuły ekspartu — kalijnyja ŭhnajeńni, sintetyčnyja vałokny, paŭfabrykaty z vuhlarodzistaj stali, žhut sintetyčnych niciaŭ, hruzavyja aŭtamabili, traktary; asnoŭnyja artykuły impartu — frukty, lehkavyja aŭtamabili i častki da ich.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary