Jak u Šajhu: u ministra abarony Raŭkova źjaviłasia maładaja asabistaja pres-ataše FOTA
Naprykancy 2017 hoda internet abmiarkoŭvaŭ źniešnaść 26-hadovaj Rasijany Markoŭskaj — pres-sakratarki rasijskaha ministra abarony Siarhieja Šajhu. Jon uziaŭ jaje z koła žurnalistak telekanała «Źviazdy».
Supadzieńnie ci nie, ale, jak stała viadoma «Našaj Nivie», ad niadaŭniaha času — ź lipienia 2018 hoda — i ŭ ministra abarony Biełarusi Andreja Raŭkova taksama źjaviłasia maładaja asabistaja pres-ataše.
Heta Natalla Haŭrusik.
Dziaŭčyna pachodzić z Bresckaj vobłaści, u 2009-m skončyła žurfak BDU i pačała pracavać na «VajenTB», dzie dasłužyłasia, kali vieryć jaje profilu ŭ LinkedIn, da namieśnicy načalnika adździeła televizijnych prahram.
U publičnaj śfiery Haŭrusik źjaŭlałasia ŭsiaho paru razoŭ: u suviazi z vynasam zbroi z Baranavickaj čaści, a taksama kamientavała vyniki kamandna-štabnych vučeńniaŭ u vieraśni.
Dziažurnaje padsumvańnie vynikaŭ vučeńniaŭ moh by ahučyć i pałkoŭnik, pres-sakratar Minabarony Uładzimir Makaraŭ.
U čym raźmiežavańnie ichnich funkcyj i jakaja rola ŭ samoj Haŭrusik?
«Naša Nivie» patłumačyła heta sama Natalla.
«Ja — pres-ataše ministra i adkazvaju za mierapryjemstvy ź jahonym udziełam, — skazała jana. — Uładzimir Makaraŭ faktyčna źjaŭlajecca maim kiraŭnikom i kuryruje ŭsio, maja ž śfiera adkaznaści — tolki ministr abarony».
Ci nie bačyć Haŭrusik paralelaŭ miž źjaŭleńniem pres-ataše ŭ Šajhu i Raŭkova?
«Hetuju pasadu [pres-ataše] stvarała, viadoma, nie ja. Značycca, uźnikła nieabchodnaść. Nichto takich paralelaŭ na pravodziŭ, a pra toje, što isnuje Rasijana Markoŭskaja, ja daviedałasia ŭžo paśla pryznačeńnia», — skazała Haŭrusik.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary