Taćciana Troina zaviaršyła karjeru paśla Alimpijady ŭ Rya. Zatym jana adpraviłasia pa dypłom spartyŭnaha mieniedžara ŭ Sieuł, dzie skončyła Nacyjanalny ŭniviersitet. A ŭ 2018-m vyjšła zamuž i pierajechała na radzimu muža ŭ Ekvador, piša Tut.by.
Taćciana paznajomiłasia z budučym mužam jakraz u Sieule.
«My ź im z roznych kancoŭ śvietu. Treba było zrabić vybar na karyść niejkaj krainy. Ja raźličvała, što spartyŭnaja karjera na mižnarodnym uzroŭni, viedańnie anhlijskaj i niekalki dypłomaŭ ab vyšejšaj adukacyi dapamohuć mnie pracaŭładkavacca biez asablivych prablem u lubym punkcie ziamnoha šara. Ale na spravie ŭsio atrymałasia našmat składaniej. Usie maje dasiahnieńni i adukacyi akazalisia nikomu niecikavyja. Ja rassyłała reziume ŭ krainy Jeŭropy i ZŠA. I va ŭsich pracadaŭcaŭ byŭ adno pytańnie: «Jaki ŭ vas vopyt pracy?». A jaki ŭ mianie moh być vopyt, kali ja ŭsio žyćcio praviała na placoŭcy», — kaža jana.
Baskietbalistka hatova była viarnucca ŭ Biełaruś, ale dla muža-ekvadorca heta byŭ nie lepšy varyjant z punktu hledžańnia karjernych pierśpiektyŭ.
«Muž nie vałodaje rasijskaj movaj, tamu znajści pracu ŭ Minsku było b ciažka, choć u bytavym płanie jaho ŭ nas usio zadavalniała. Vyrašyli, što mnie ŭsio ž budzie praściej asvoicca ŭ Ekvadory. Zaraz muž pracuje ŭ Kita sacyjołaham i mieniedžaram žanočaha futbolnaha kłuba.
A ja za niekalki miesiacaŭ vyvučyła ispanskuju, ŭładkavałasia na pracu ŭ brokierskuju kampaniju, jakaja zajmajecca ekspartam ekvadorskich kvietak.
Tam jakraz šukali čałavieka ź viedańniem anhlijskaj i ruskaj. Ja vyrašyła: čamu b nie pasprabavać? Siadzieć biez pracy paru miesiacaŭ było zusim niaviesieła. Choć zaŭsiody zdavałasia: voś skonču sa sportam i naohuł ničoha nie budu rabić. Ale nadoŭha mianie nie chapiła», — dadaje Taćciana.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary